المسا/آفه بدونك .. و آهـ يا طول المسافه ..

أسعد الله أوقاتكم بـ كل خير ..

هنا ..

و هنا فقط .. سأكون ..

ألم ، و شيء من الرتابة ، ترسمني و تشكلني حروف مستعرة ..

هنا أشارككم ما أكتب ، ما أقرأ ..

هنا .. تسعدني (ورودكم) ، و تواجدكم ..

::
::

الشوق ملّ الصبر .. والليل ما لمّ
وحرف الشعر وسط الورق صار شاحب

أحيان ودّك من يشاطرك بـ الهم
و أحيان ما ودّك من الناس صاحب

::
::

::
::

أحس بداخلي زحمة حكي و استأذن الأقلام
على رجوى الحبر باقي نفس يا نشوة إلهامي

من إحساس العتب ما باقي الا حيلة الإبهام
يجسد لك مفاهيم الشقى في خاطر الضامي

صبرت .. و غيبتك طالت .. و معها طالت الأيـام
و انا لا زلت أعشّم خافقي في باقي أيامي

::
::

::
::

أنا بدوي ، مليان رمث و تناهيد ..
وش جاب قلبك لبدوي ، علميني ..

مبطي و أنا أقول العشق ، للصدر قيد ..
مثل الحزن .. لا راود دموع عيني ..

من يوم ما صدري فقد شيخة الغيد ..
تركت حوّا .. و الغزل ، صدقيني ..

غيبي ، و إذا مرت سنة ، و أقبل العيد ..
لا تلبسين أي ثوب ، يذكرك فيني ..

::
::

::
::

هذا حالتي من رحلت ..

لاني اللي قادر أنسى ، و لاني اللي عن طيوفك إنشغلت ..

::
::

::
::

أتظاهر بالتناسي ..
و انشغل عنك بـ ناسي ..

و أتصبّر ..
و يا هي عيوني ، تقاسي ..

::
::

::
::

ألبس غيابك ، ثياب ..
و أنزع حضورك ، غياب ..

و رغم هذا ، و رغم ذاك ..
ما يناسبني التعري ، وما يناسبهن مقاسي ..

::
::

::
::

نسيتك ليلة البارح ، و عشتك ماضي ما كان ..
قعدت الصبح و طيوفك ، تجي و تروح تآخذني ..

معك بالذات ، أنا كأني حرمني ربي النسيان ..
لأني كل ما أنسى ، يجي شي و يذكرني ..

أحاول ، رغم ما يسكن خفوقي من شقاك أحزان ..
أبدّل ماضي أيامك ، و أدوّر ما يفرحني ..

::
::

::
::

هنا طيفك .. هنا همسك ..

هنا باقي على جروحي ، بقايا من أثر لمسك ..

::
::

::
::

هنا أنت ، و هنا كنت ..
هنا .. عشتك .. ظلام و ما عرف شمسك ..

رحلت ..
و هذا أنا عايش .. أحاول أنتزع باكر حبيبي من وحل أمسك ..

::
::