سجال الشعر والمشاعر

[مجبورة]

هي الاخلاقُ تنبتُ كالنبات **
اذا سقيت بماء المكرماتِ
تقوم إذا تعهدها المُربي **
على ساق الفضيلة مُثمِراتِ

السلام عليكم ورحمة الله وبركاته

اخر حرف (( ن ))

ونحن بالإنتظار..!!

[محمدبن عبدالعزيز]

آآآآآآآسف...يظهر اني خلطت بين المساجله
وبين سجل دخولك ببيت شعر!!!

‏نمشي على النيات وقلوبنا بيض
‏وربي على حسن النوايا رزقنا
‏
‏ما نخلف النية ولا نحمل الغيض
‏ولا نخضع إلا لله اللي خلقنا

[مجبورة]

ان بعثرك هالزمن من يجمع اوراقك
وان جمعك فاعرف ان الوقت له نيه

[تحت الظل]

ايييييه مامن تركيز يالربع
أشوى مش لحالي كذا


هب البراد وزانت النفسيه، والجو روعه والمشاعر حيه

والغيم غطى الديره السحريه، وجادت لك الأبيات يا مغنيها

Z_wDYajxutY


نغير جوكم شوي بالشيلات

[مجبورة]

اخلق فرص/عجل/ترى ما يعيبك
هذا ولا تسأل عن الدرب وش هو
يمكن تشاهد بالنظر ما يريبك
او تسمع اصوات تعكر صفا الجو

[محمدبن عبدالعزيز]

وش بقى اكثر من سنيني اللي راحت
او بقى في العمر شي ابكي عليه
يا وناسة امس لحظه حزني لاحت
وبددت امال حلمن عشت فيه

[مجبورة]

هيه وين انت يا للي كان ما فيه غيره؟
! يفهم اللي اقوله قبل حتى لا اقول
رحت ادوّر حبيبٍ مثلك ابغى استشيره
واثر ما كل زولٍ ينتعوّض ب(زول)
جيت ناسٍ تزوّد حيرة القلب حيره
قلت : "اطيع الزمان وكل شدّه تزول"

[محمدبن عبدالعزيز]

لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني في
خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي

[مجبورة]

ياعيوني كم نجوم السماء العالي
حسبيها حزة النوم واحصيها

[محمدبن عبدالعزيز]

الوفا مايظهر إلا من التالي
هذي العشره وهذي معانيها

[مجبورة]

إنعست عين الغلا والهوى هدا
خانت الأيام والملح والعشره

[محمدبن عبدالعزيز]

هانت العشرة عليهم والفرح

وانتهت ذيك الليالي من زمان

[مجبورة]

نستعجل الأيام وأعمارنا ايّام
والشّيب يطغى والأماني فتيّه
نهاري أقفى واجمل الحلم قدّام
والحال يضعف والهقاوي غنيّه

[محمدبن عبدالعزيز]

هي عمر؟

والاّ على هامش زمان؟

هي حقيقة علم؟

والاّ هي سراب؟

هي مواجيع الدهر؟

والاّ حنان؟

في عجاج أيامها

دربي يذوب

تاهت الخطوه

وضيعت المكان

أنشغل

عن عمري بعمر آخرين

[مجبورة]

نهاية دربنا باب(ن) تكاثر عنده الحرّاس
نهاية دربنا لغز(ن) رمعته لكن أخطيته
نهاية طيب/ في صفحة وفا/ وختامها نوماس
وأدوّن قصه تجمعنا بكتاب(الصدق)سميته
صحيح (أستأذنك) صعبه ولكن تتبعه (لاباس)
حروفك داخل أعماقي بدم القلب خطّيته

[محمدبن عبدالعزيز]

هذي نهاية دربنا والغريبة
ان القلوب اللي هوت جارت اليوم

احباب صرنا أغراب ياهي مصيبة
وصرح يشيد حبنا بات مهدوم

لا لا تواسيني بماضي تجيبه
وحاول تعيش بدنيتك واترك اللوم

وجرحي خلاص اليوم أنا أعتني به
مابيك تجزع..لا..ولا تعيش مهموم

[مجبورة]

مالوم انا شوفتك سارح ومهموم
مسكين هو حالك وحزنك تعيده
لا تعترض لو صار هالشيّ مقسوم
غصبٍ عليك يصيرغصبٍ تجيده
كرّر بيوت الشعر واطلع بمفهوم
واخضع ليا من جتك رميه سديده

[محمدبن عبدالعزيز]

‏هذي هي الأقدار يـالصدر الوسيع
‏الضيقه اُم أيام اخفّ من الغبن
‏-
‏بكره سموم القيض يقفاها الربيع
‏و نقول لـ الايام صافي يا لبن

[بنت النشامه]

‏
‏نزعل ..... ونرجع للغلا والتراضي
‏ونضحك ولايبقى للاحزان اوطان
‏
‏لان الهوى يفرض علينا التغاضي
‏والشوق دايم .. للمواليف عنوان

[محمدبن عبدالعزيز]

نبي محبه // والبشر حبها طيش
فكر ترى مالك عذر في ذهابك

كبير ياقلبي ولكن على ويش !
في ذا الزمن ياقلب محد درابك

[مجبورة]

كم لي وأنا أنادي عليك آمال عمـري وآحتريك
وكم لك تجيب أعذار من زرق البحور وحوتها

[تحت الظل]

a-U_GJa4oYs

ابعتذر ... ابعتذر ... كلي ندم ...
ابعتذر عن كل شي ... إلا الهوى ...
ما للهوى عندي عذر ..

[محمدبن عبدالعزيز]

ربي أنا في رجا عفوك وغفرانك
تسترني بسترك و تغفرلي ذنوبي
أنت الكريم ،العظيم، الحي ، سبحانك
إحفظني بحفظك و نوّر لي دروبي

[مجبورة]

يمكن كسير العظم يبرا بتجبير ،،
ويمكن علاج العين بآيات تقرا..

ويمكن صياح الالم يبرا بتخدير،،
ويمكن قلوب الناس بفلوس تشرا ..

كل العلل تبرا بسبه وتدبير ..
لكن مريض الشوق وشلون يبرا ؟!

[محمدبن عبدالعزيز]

إن زآنت / الله كريم
وإن تردت .. آلشكوى لله

[مجبورة]

هن الخفوق بصادق الشوق هنه ..
اللي معك ما مرة قد قطعني ..
و ان قلت قلبي زاد بالعشق فنه ..
أهيم صدق هيام قلبي دفعني ..

[محمدبن عبدالعزيز]

ياخفوق كم شكا من اساه وكم بكا
لوتكلم لو حكا عبر بسبعين اه
ويازمان قد مضى راح ولا وانقضى
كان عنوان الرضا راح ثم جانا عناه

[مجبورة]

‎هلت سـحابة وصلها على حـياتي وازهـرت
واهتز قلبي من نبات الحب زهـرٍ واكتـسا

‎يا وصـلها الغــــالي هلا حيـيت ياعز الطلب
لا خير في قـلبٍ على مغـليه بالدنيا قســــــا

[محمدبن عبدالعزيز]

السحابه الي هلت وصلها وازهرت بعروقي
واهتز قلبي من نبات الحب زهر وورود
ياوصلها الغالي هلا حييت واحييت شوقي
لاخير في قلب على مغليه بهم الدنيا يزود

[مجبورة]

دريت بيوم الشقا ليته ما ينعاد *** أبنسى يومه والشقا ما نسيته

[محمدبن عبدالعزيز]

‏هزت شعوري معاني ذكرها زيني
‏ورديت من شافت عيوني معانيها

[مجبورة]

انكانه هزل جت هزله وكانه جزل جات اجزال
ولكن بيض الله وجه من ثمن معانيه

[محمدبن عبدالعزيز]

هزلة جات وعيت لاتجي جزله
بيض الله وجه راعي الجزيلات

[مجبورة]

تجي مثل الفجر لو الفجر ماهوب دوم أعياد
أنا افدا ظلها لا والله افدا ظل مندوبه
تسولف للندى يسهر على النرجس !! ؟! يبي يزداد
تغني للمطر لليل تصيب الكون غيبوبه

[محمدبن عبدالعزيز]

هلابه عدد ماقالت الناس يازينه
وهلابه هلابه كثر مايتبعون خطاه

[مجبورة]

هلا ياالقصيد وكل عين وَعْدها فوق
لقيتك خويّي ساعة الضيق وسنافي
ينوش السما ظلّك.. تلج بثراك عروق
تقوم الهقاوي طولها والمدى ضافي

[محمدبن عبدالعزيز]

يا قصيدي يا عضيدي فـالدروب الجرهديه
يا صديق ٍ ما خذلني في زمـان الإنخـذال
أنت لالبيت كنـك فـارس ٍ لبـى خويـه
يوم نادى قال عونك والمدى خيل ورجـال

[مجبورة]

لك أميره جيت درهمت الذلول
ماثني عزمي عن الفزعات ليل
أبشري بعزك ولاعنه ميول
أبشري بفزعة سنافيٍ أصيل
لو سرجت من القصايد والخيول
مايبل الريق غير السلسبيل

[محمدبن عبدالعزيز]

للجريد الرقص لاأهتز النخيل
وللهبوب أشلاء مذبوح الورق
لوطعنت بهمتي سفحٍ طويل
أقتل الرهبه ويبكيها العرق

[مجبورة]

قلت ابروي في ثرى الخافق شعاب
واسقي غروس بكى فيها الجريد
جيت ظامي ما تهيالي شراب
اعتذر لي وجه الأيام العنيد
صبّت الرمضا مشاوير العذاب
في عيونٍ كفنت حلم شهيد

[محمدبن عبدالعزيز]

دلوهٍ مايحس بجرح غيره
ولا ينشد عن قلوبٍ كواها
دلوه ومارحم عيني سهيره
تبيّن له دموعي من عناها

[مجبورة]

إلى جيت أتشده وجهه يديره
يصد في ضحكته موتي وراها
تعال أوقف على عيني سهيره
تشف اللي فراقه من عناها

[نفسي عزيزة]

أضحكي ! لو يمتلي صدرك طعون
وغمضي عيونك وداري غصتك

ماهي نهاية قصتك لو يرحلون
هذي نهاية دورهم في قصتك !

البدر

[مجبورة]

‎كلميه واسأليه ولا غدا دمعه بحر
‎كفكفي دمعه بيدك دمعه ذا فرح وسرور
‎وادخلي وسطه وشوفي كم زرع لك من شجر
‎وكم حديقه قد صنع لك منتظر منك المرور
‎وانظري باقصى يمينه كم رسم لك من صور
‎وفي يساره لك سرير(ن) جنب دولاب العطور

[محمدبن عبدالعزيز]

رجواي فاللي جميع الخلق يرجونه
الواحد المعتلي فوق السما العالي
محدٍ قضا حاجة المحتاج من دونه
ويعلم خفايه وماكنيت في بالي

[مجبورة]

ياقليل العرف عند الله سعه
والحقيقه مالنا عنها غناه
عارف ٍٍ خافيك لو ماتطلعه
والغلا يازين مافيه اشتباه

[محمدبن عبدالعزيز]

هيه ياللي غرّك الليل واغراك النديم ..
هيه يالي هزّك الشوق والمسرى ضياع ..!

وقــّفي بين الخطا والصراط المستقيم ..
والعبي بين التراحيب وكفوف الوداع ..!

وسولفي مثل المشاريه في صوت الحشيم ..!
واسكتي مثل الشفايف لياطاح القناع ..

[مجبورة]

عطش وشوقي لشوفك يخلف أسناعي
وماهمك إلا بحلو الهرج تقهرني
عيت عيونك لدمعة عيني إتراعي
ماتردع الظلم وإلا منك تنصرني
كني معك في سواليف المساء واعي
حتى بنومي تمنيني وتنهرني

[محمدبن عبدالعزيز]

ينام الخلي اللي لاجاه الرقاد ينام
‏ويخطي الرقاد عيون من جاه ماجاني
‏وجودي على فرقى همومي وجود ايتام
‏اذا جر وناته حداهم بكى الثاني..

[مجبورة]

يامل قلبٍ يفك الهم ويخمه
خمةعجوزٍولدها بين روحيني
قدام تزهق حياته قال يايمه
ثم اصفقت من عظيم الوجد كفيني
طاحت على صدره اللي وقفٍ دمه
ويوم اذهنت جرت الونه بصوتيني

[محمدبن عبدالعزيز]

ياقلب وين اللي يحبك ويغليك
وين الحبيب اللي يحن لحنانك
وين الحبيب اللي بقلبه يراعيك
ويخاف لايجرح بنظره جنانك

[مجبورة]

كابر..قد ماتكابر....انا معك متحمل وصابر
واعرفك اكثر من احساسي تجاهك....وانت خابر

[محمدبن عبدالعزيز]

‏رآع الهوى
‏لو يكتم الحب .. مفضوح ,
‏حتى بدون قيود .. ( يبقى آسيرك )

[مجبورة]

كني قلم يكتب وهو مامعه راي
وسكبت حب أحلامنا في وريدك

[محمدبن عبدالعزيز]

كن اسمها عطر القلم والمكاتيب
لامن بدت فيه القصايد شهرها

[مجبورة]

البارحة طار عصفور وتدلى عنب
النوم عصفور وعنّبّي عتب من مره
كن السهر فاس كسّر من جفوني حطب
وانا على قسوته قلت اكرمه واسهره
الطيب يوخذ غصب والشعر ماينغصب
والعشق لولا القصيد يمو ت وش يظهره

[محمدبن عبدالعزيز]

هنا وارحل بلاي ولاأعرف لـ وين​
هِنا وآفتش بـ صدري عن احلامي​

​
ويذبل في دروب الحالمين التين​
وتيبس ضحكتي في وجه أيامي
​
وحيد ومامعاي إلا ثلاث سنين ​
تنام بـ حضن ذاكرتي وأنسامي​

[مجبورة]

يا إنتي : اللي يشعل الظلما ويتركها تنام
في عين هذا الصبح وهذا الصبح ويطفي من جديد
هو نفس الانسان بدواخلنا : ولكن بانهزام
هو نفس هذا اللي حبس قلبه وظن الصبح قيد
الواقع اضيق من صدور الناس واحلامي خيام
رحبة مثل قلب المحب الدافي العذب الزهيد

[محمدبن عبدالعزيز]

دايم أجي فيذا ( المكان ) و أتذكر :
شارع دفن في تربته ضحكة : أطفال
أشياء راحت .. صعب جداً ( تكررّ )
تخنقني العبره .. اذا جتْ على البال

[مجبورة]

لا بال مرتاح لا فرحه ولا راحه
كم لي سنه وانتظر غيبات سراقي
ارجيه عقب البطا لو طال مرواحه
كانه على هقوتي ماخان ميثاقي
قلبن يذوق الهوى من يكبح اجماحه
خلوه يرتاح دامه بالهوى شاقي

[محمدبن عبدالعزيز]

يبكي فرح من شاف بعض التباشير
معذور لو دمعه يبلل ثيابة
من كنت بأول خامسة طفل صغير
كنت امتلي حزن وغموض وكأبه
كنت أشعر اني غير والمدرسه غير
هيمان في جو النبي والصحابة

[مجبورة]

همت بوقتها و الناس مدري وينها و ويني
مشيت لخاطر العشرة لأبعد من مسافاتي
أنا أدري وين هالأيام و الطيبة توديني
على الله تضحك الدنيا و تصدق بعض هقواتي

[نفسي عزيزة]

يفز العشب من صحرا لها جاب البدو طاريك
ومن يقدر يلوم أرضٍ وطيتيها لو اخضرّت

[مجبورة]

تدري متى تنفض يديك وتعاف الحياه؟
لأعطاك ربّي ( معاناه ) وحرمك ( الصبر )

[تحت الظل]

‏رأيت الدهر مختلفا يدور
‏ فلا حزن يدوم ولاسرور
‏
‏وقد بنت الملوك به قصوراً
‏فلم تبق الملوك ولا القصور

[مجبورة]

رأيت الصمت في عينيك ِ
قد شدته أقواسي
ولون الشوق في شفتيك
ممزوجا ً بأنفاسي
فكيف الحب يجعلني
وحيدا ً ساكنا ً آسى
إذا ما غابت اللقيا
وصار الحزن إيناسي
ونام الطيف واحترقت
مع الأصداء أجراسى
كأن الأرض أهدتنا
صحارى وجدها القاسي
فردّيني
إلى عينيك واحميني

[محمدبن عبدالعزيز]

يا ويحى لمستك فوق قنديلى

ضياء دائريا

و ارتياحا مُتقنا

عندى لك التاج الامين

و قاب قوسى حسرتى

و لقد حملتك ساعة الغضب العنيد

وعندها أفنيت خطوى

فى تتبعك الطويل

و لم ازل اهوى مسيرك

فليكن معياد هجرك قد دنا

لكنها الالام تنبت فى دماى

و بيننا

طفل فقدناه هنا

[تحت الظل]

آمانه يا طيور الصبح ..
زوري صاحبي النايم و غني له
آغاني الحب لين تفتح عيونه
و قولي له ترى عقلي متيم و الفكر هآيم ..
وقلبي آآهـ ياقلبي
عسى الله يكون في عونه
آمانه ..
آمانـة يا طيور الحب ..
قولي له وهو قآيم "
ترى في شخص يدعي له
بكل الخير ومايخونه

احس اللي يكتبون هالكلام تعبانين وصلوا مرحلة صعبة
مساكين بس هالعصافير بلشانين معهم

[مجبورة]

هات جفنك للسهر في مقبلاته
و أفهق انعاسك و لا تطري مبيته
ما بقى للفكر من شرّد بناته
غير شعر كل ما يُكتب محيته
بين همي و أخر الوقت و شتاته
جيت كنك مطلع النور و سريته

[محمدبن عبدالعزيز]

هَذَا الْسَّهَر مَا وَرد لِعَيْنَي نُعَاس
احِس هَذَا الْلَّيْل طَاغِي بِطُوْلِه

تَعِبَت امشّي مَابِقَّالِي مِن الْيَاس
اجْر خَطَوَاتِي / ابِيْهَا عَجْوَلَه


الْحُزْن خِلَانِي مَع ضُلُوْع يَبّاس
الْهَم بَاقِي / وَالصَوادِيف حَوْلَه


الْصَّمْت قَالُوْا انَّه اغْلَى مِن الْمَاس
وَاشَوْفَهُم عِنْد الْحَكِي / صَفَقَولِه

[مجبورة]

هاك المشاعر و القصايد و المواني و المنار
و الروح و ايتام الخفوق اللي تشوفه ربها
تدري من المسكين في هالكون كله بأختصار:
اللي تحبه روحك العذبه و هو ما حبها

[محمدبن عبدالعزيز]

القلب ينبض والمشاعرحيه
وموجات قلبي خالطة موجاته
واختلطت الموجات فيه وفيه
ثم صار قلبي والغلا وشقاته
بنيت له وسط الحشا محميه
ثم صار ضبيً متعبه طلاته

[مجبورة]

‎هالحين لي يومين لا أكل و لا أنام
‎من قلب ما ينبض و تفكير مشلول
‎أرسم على الأحلام و تعوٌد أوهام
‎و أحاول أجلي هم و يصير مدبول

[محمدبن عبدالعزيز]

لا تلوم القلب يا ماه و نباته
قل فمان الجرح و الا قل فديته
خل وقتك بين جرحه و أمنياته
و أن بكيته لا تقول انك بكيته
هات جفنك للسهر في مقبلاته
و أفهق انعاسك و لا تطري مبيته
ما بقى للفكر من شرّد بناته
غير شعر كل ما يُكتب محيته

[مجبورة]

هـــلي الجدايل.. ظــلليني عـــن الشمس
و داري جــبيني عــن لهيب الســـمومي
لا تســـــــاليني.. عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يسترنه هــــدومي

[محمدبن عبدالعزيز]

ياهموما" بي تعدت حدها صارت ثقيله
اخذي مني كم سؤال ولو سمحتي جاوبيني


ليه من بعد(الوفا والطيب)وفعولا" جليله
من يدين اللي حشمته أول طعوني تجيني؟

وليه لاضاق الفضا في عين من خانه دخيله
مالقيت الا(الملامه)انتهيها وتبتديني؟

[مجبورة]

يسري ولا يدري على وين مسراه
ويسرح ورقاد الضحى في منامه
كم لي وانا الوم الزمان بسواياه
ولاحر من جمر العتب والملامه
الا ضروفٍ ترخي امتون و اجباه
تختار معها الذل والا الكرامه

[محمدبن عبدالعزيز]

هني اللي ليا جاته الغلطة صبور
من رفيقٍ مُخلـصٍ له و يـدرَا خلته


ودي آجامل و اغمض على بعض الأمور
مير بعض الناس خيب رجاي بزلته

[مجبورة]

‎هملتني يارفيق العمر بالمرة
‎واخلفت كل الأمور اللي نظنبها
‎وانا خويك على الحلوات والمرة
‎ياحيف بعض المسايل لاتشحبها

[محمدبن عبدالعزيز]

انا خوي منهو ضحوك ومزاح
وانا خوي اهل الهقاوي البعيده

وانا خوي من صان سري ولا باح
دامه صفالي والله اني عضيده

[مجبورة]

هٌب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره

[محمدبن عبدالعزيز]

هذا الصاحب اللي يرفع الراس طاريه
نوفي له الميزان ونكرم جنابه
ونزيد في حقه وناخذ ونعطيــــــــه
ولانسمع النمام مهما حـــكى به
نبقى على طول الزمن في حراويـه
ونفز لامنا سمعنا جـــــــــوابه

[مجبورة]

هذي الكراسي الصم وشاعر أبكم!

هذي القصايد دور والدرب

مقفول

هذا القلم والمكرفون

يتلعثم !

حول يبعثرني وأنا أجمعه

[محمدبن عبدالعزيز]

هذا القلم حبره من قلـوب الاحبـاب
وشلون مايكتب من الطيـب للطيـب
انتـم تصبـون المحبـه بـالاهـداب
وطشيت انا دمعـي بعيـن المكاتيـب
وشلون ادور من ورى شعري القاب
وانتـم تشبـون المحبـه تراحـيـب

[مجبورة]

بقول اني انام ولا حربت القوت والمشراب
انام ولا حربت الزاد لاكن بعدك مصيبه
والى قلت اني اسهر فاعتبرني خاين وكذاب
انا والنوم تربطنا علاقة وده وجيبه
ارحب بالمنام اليا لفى واشرع الأبواب
ارحب بالمنام وجيته مليووون ترحيبه

[نفسي عزيزة]

هل نحن حقاً
شُفينا؟
أم نحن فقط
تعوّدنا على الألم !!

[تحت الظل]

ما اخاف كثر الكلام ان مات في صوتي
اخاف لامن سكتّ !! و دمعتي قالت

[مجبورة]

تِعبت وتْعبت اشواقي وصارت للحاف هموم
وتمكن قلبي لشخصٍ كتب كل القصايد قاف
تِعبت وتْعبت اوراقي .. وصارت للفياف غيوم
وتناجى قلبي لشيٍ يشوفونه وهو وماشاف

[محمدبن عبدالعزيز]

فيني تعب مدري عتب مدري ضيقه
شعور ماني عارف كيف اكتبه كيف اوصفه
احيان احس انه صديقي واحسني رفيقه
واحيان احس انه غريب عني ولا اعرفه

[مجبورة]

‎هات من لهفة العاشق ومن دفتره
‎ذكريات .. الرسايل/ والصور/ والغرام
‎غربة الليل: (ليل وشاعر يسهره)
‎وحدة الليل: (ليل وعاشق ما ينام)
‎يعتريني شعور لو كتبت أكثره
‎سال جمر العتب لرضاك برد وسلام

[محمدبن عبدالعزيز]

ما نسيتك، وربي، لكن المعذرة ..
ان جبرنا الخواطر .. ما كسرنا العظام
ارتحالي لحالي ما قدرت انكره
حجتي .. حاجةٍ بين الرضا والخصام
اختصرت الطريق ، وجيت من آخره
وأنت ما كنت بعيوني على ما يرام!

[مجبورة]

ما فيه شخص في حياتي بكيته
الا الذي قد مات مانيب راجيه
لكن هو حي ومع ذا رثيته
من قلبي اللي أحسن الله تعازيه

[تحت الظل]

cA63lnG7zIk


هزمتني هزمتني واقلقت فيني راحتي
‎كم قلتها ماراح احب خدعني برك يالامان
‎علقتني خليتها باللون الابيض رايتي
‎مستسلم وكلي رجاء واجيك وكلي لك حنان

xx19xx

[مجبورة]

نعم .. ياما انظلمت .. ودعوتي ما عنّها بيبان
ولكني تسامحت و جرعت الظلم من كوبه
وش ارجي من ورا دنيا مشى فيها نبي ..وانهان؟
رفعت الرايه البيضا على ذا الوقت وحروبه

[محمدبن عبدالعزيز]

هات القلـم ياخـوي فـي خاطـري بـوح
ودي اترجـم لـي طــواري وهـوجـاس
واخـذ مـن الابيـات سجّـه مـع الـروح
فـي مـعـزلً مافـيـه مايـزعـج الــراس

[مجبورة]

سجيت الاقدام والا ادميت الاقدام
حزن الشمالي مبين من كلامة
لاجاك عني سفيه وفي خبر هام
اخذ الخبر بس طالع في ختامة

[محمدبن عبدالعزيز]

هذا الحزن يحكي تفاصيل الأعباء ،
و الوجه مرآة المحب المُسامح !

[مجبورة]

حبال ابليس ممدوه ومن يخطي ترا مسموح
وانا وانتا وكل الناس وكاد بيوم يجي تقصير

[محمدبن عبدالعزيز]

رجواي فاللي جميع الخلق يرجونه
الواحد المعتلي فوق السما العالي
محدٍ قضا حاجة المحتاج من دونه
ويعلم خفايه وماكنيت في بالي

[مجبورة]

يا العبد هوِّن كل مطرُود ملحُوق
لا تِشْتَحِن لك رَب ما هُو مخليك
اللي جعل لك رُوح جاعلك مرزُوق
كما تَكفَّل بك من الخلق كافيك
يعطي وباب الرِّزق ما هُو بمغلوق
واليا طلبته وانت محتاج يعطيك

[محمدبن عبدالعزيز]

كان صمته حديث ... وكان دمعه عتاب
وكان بعضي معه وأنا ببعضي رحلت -
وهذا أنا اطرق زوايا الذاكرة باب باب
ودي القى قناعة للفراق .. وفشلت !

[مجبورة]

تكلم واحرق بنار العتب طيني والواحي
عيوني لك مرايا لو تبي وافتح ضلوعي كتاب
وان مات الحكي ما عاد ينفع ضحكي ونواحي
يقولون الذي كاره يلاقي للفراق اسباب

[نفسي عزيزة]

.
بديت .. استنكر الضحكه على وجهي
كل ضحكه تمر وجهي صرت اصورها

مخنوق .. لكن أنا عن شكوتي منهي
رغم إني واصل مراحل ما قدر اذكرها !

[مجبورة]

اتذكرك وآقول ماهوب مفقود
وآعيش بِكْ ضحكه .. وهرجه .. وصيحه..!!

[محمدبن عبدالعزيز]

‏ﻫﺒﺖ ﺭيآح آﻟﺸﻮﻕ ﻣﻦ ﺭﻭﺽ آﻷﺣﺒﺎﺏ
‏ﻭآﻫﺘــﺰ ﻏﺼﻦ آﻟــﻘﻠﺐ ﻣﻦ ﻃﻴﺐ ﺭﻳحة
‏
‏ﺳﻼﻡ ي آﻟﻠﻲ ﺯآﺩﻧـﻲ ﺷــﻮﻕ ﻭآﻋﺠﺎﺏ
‏ﻭيـا ﻣﺮﺣﺒــﺎ ﺑـ آﻫــﻞ آﻟﻨﻮآﻳﺎ آﻟﺼﺮﻳحة

[مجبورة]

‎هذا أنا لحالي هزيل الحال وأشعر بإكتئاب
‎كن قلبي جال بحر هاجرت عنه الطيور
‎أجرع الفرقا وأقول الحب عذب وللعذاب
‎كل قلب لاحرمه الوقت من خلّه يبور

[محمدبن عبدالعزيز]

ريّح ضميرك من تفآكير الاحوآل
محدٍ خذآله رزق مآهو بـ مقسومٓ

[مجبورة]

مَحْدٍ يفيد اسمك ولَحْد يْعَبّره
لا دقّت الساعة ونادوا لك .. وجيت :
وش جبت ياْبن آدم .. وكسرك نجبره؟
شاللي زرعته من عمل؟ خذ ما جنيت!

[بنت النشامه]

‏تدري وش ألي حدّ قلبي على البوح
‏أنك تجي يوم وشهر مآ تجيني
‏
‏مآني بـ محتآجك تجي يـوم وتروح
‏أبيك لـ أحسآسي وطن يحتويني

[مجبورة]

ياوجدي على قلبي .. بحزنه وكثر بكــاه
على واحد ن يذكره دايم .. وهو ناسيه

[بنت النشامه]

‏هات صوتك امتلا قلبي ولـه
‏ودي اسمع بحتك كلي حنين

[محمدبن عبدالعزيز]

‏نصبر على ضيم الليالي والايـام
‏ونصبر على ما تكره النفس وتعيف ...​
‏ونؤمن بمفتاح الفرج لـو بعد عـام
‏وعمر الاماني ما تهيا على الكيف ...

[مجبورة]

فتشت في صدري عليك / ولقاني
طفل ٍ يفضفض للعصافير ... شكواي

أنتي له أجمل من كلام .. المحاني
وانتي له اصدق من دموعي وبلواي

[محمدبن عبدالعزيز]

ياطفل لا تكبر..كذا اجمل كذا اطهر..
كذا لاهم يتراكم ..كذا لاضغط لاسكر..
ترى اكبر كذبه عشناها؟!يالله متى نكبر..
احلم قد ماتقدر..واذا خفت ...خب احلامك بدفتر

[مجبورة]

رايق اذا هالقاف بيصير رايق
سباح في نصف البحور العميقه

[بنت النشامه]

‏هــو : آلمدينه وآلصوَر ، وآلآمآكن '
‏ومآزلت وكنت ورآح ابقى آبيه !
‏
‏الكـون مآيوقف على شـخص لكـن *
‏بآلنسبـه : لي آلكون وآقف عليه ♡

[مجبورة]

هَواك وإن طواهُ السِّرُّ طَيّا
يُخَبِّرُ عن تَمَكُّنِهِ السُّكُوتُ

سيَبقَى في حنايا القلبِ حَيّا
أموتُ أنا وحُبُّك لا يموتُ

[نفسي عزيزة]

ٓ
تعجبني الحاجة الحلوة .. وأمدّحها
حتى ولو كان صاحبها ما يعجبني

من طبعي أواجه العالم وأصارحها
واللي يشابهني من الناس يجذبني !

[بنت النشامه]

‏يالله يلي تـغـفرالذنب لاصـار
‏تغفرذنوب اللي لجالك ويرجيك
‏،
‏ياعالمن ماصارفي سر وجهار
‏سبحانك الي كل شين بياديك
‏

[مجبورة]

كرّر بيوت الشعر واطلع بمفهوم
واخضع ليا من جتك رميه سديده
هذا قصيدي جاك والختم مختوم
صلوا على المرسول مرّه عديده

[محمدبن عبدالعزيز]

هيضني الضلع في كبد الثرى راكن
وان حدك الضيم قل للضلع ياسيدي
واركيت ظهري على ظل الجبل لكن
ماجت مواعيد ظله مع مواعيدي

[مجبورة]

ياماتصبرنا على الضيم والجفا
واليوم باح السد والصبر متلافي
دنيا بها الداني تعلت منازله
واللي نجيب ماله اليوم عرافي

[محمدبن عبدالعزيز]

يا صاحبي ما فادنا كثر الكلام
واللي بخاطرنا عجزنا نطوله

ماتت أمانينا على كف الأيام
وحكم القدر فارض علينا ميوله

[مجبورة]

هذي قــلــوب الـنـاس ؟ مــثــل الــمــواويل
مـوال فــرح .؟. وفــيـه مـــوال ! يـبـكــــيك
لـقـيــت نـــاسً ؟ كــنـهـا تـعــيش تـمـثـــيل
وهــي مــبـــاديــهــا ! تــخـالـف مـبـــــاديك
فـهـمـت. فــي كـل الـغـلا ؟ العـدل والـميل
ولـقـــيـت ذا حــــبـــك ؟ وهــــذا يــســلـــيك

[محمدبن عبدالعزيز]

كان ودك تعيش العمر في راحه
لا ترخي إذنك لهرج فلان وفلاني
َ
فـ الناس ذمّامه وفـ الناس مداحه
والكامل الله ولا به كامل ثاني

[مجبورة]

يا سعود فنجالٍ بلا هيل مابيه
وبيتٍ بلا زوار ما فاح ندّه
ياسعود مابه صافي الاّ ويغثيه
هرج الحسود اللي عن العز لدّه
لو قال لك عن صاحبك فيه مافيه
باب الكلام اللي يجي معه سدّه

[محمدبن عبدالعزيز]

هيلت لـك مـن دلال الغـلا فناجيـل
كل ماهزيت فنجالـك صبيـت فنجـال
من دلال على جمر ظلوعـي مراجيـل
كل ماهب نسيم الشوق زادهـا اشعـال

[مرتاح]

‏'
لا تلتفت لـ نآس و لآ .. تعقد حجآج
( ارتآح .. نفسيآ ) و روق مزآجك
ً
هذي البشر دآيم تبي تسوي ازعآج
تمرضك ... لكن. م تدور علآجك

[مجبورة]

كذا سوت بي الدنيا وكذا سويتني تمثال
لوأدري بدلّتك فرقا فلا جرّبت فنجالك

[محمدبن عبدالعزيز]

كل حاجة مع الايام يمكن تروح
غير حبٍ تربع في ضلوع بدوي
دلة اهل المفارق كل ساعه تفوح
بين جمرة عذول وبين كلمة خوي

[مجبورة]

‎ياللي تقول العباد عيال تسعة شهور
‎فكر شويه ، تشوف الفرق بين الخوان
‎تبور بعض المعادن والذهب مايبور
‎عيار واحد وعشرين وعليه الضمان

[محمدبن عبدالعزيز]

نهيت قلبي من طبوعه ولا تاب
قد قلت له خل الصراحه على جنب
لن الصراحه دايما تفتح ابواب
صار الكلام الواقعي يشبه السب
اللي يبي يزعل بيلقى له اسباب
لو ان مالي ذنب بيحط لي ذنب

[مرتاح]

‏بين مافيني شي وبين فيني كثيييير
ألف رشه حزينه فالسهر : فايحه
.
دمعتي بنت اكابر في عيون الفقير
لو حفظها بـ عيونه طايحه طايحه .

[مجبورة]

‎همستُ في أُذُن التاريخ أسألهُ
‎هل نحن أبناء مَنْ للمجدِ قد صعدوا؟

‎أشاح عني وقد أبدى تذمرهُ
‎وقال: أنتم، ولكن .. بئس ما ولدوا

[مرتاح]

‏آعطيهہ من وقتي ،
يسولف وآسمعهہ !
وآرخي لهہ ، فوآدي ،
وآرخي ، مسمعي !
من كــثر مآ قلبي
وتفكيري معهہ
آشتآق لهہ حتى
وهو يسولف معي .. 😴

[تحت الظل]

ياطريق الترجي والوله والنحول
والله اني مشيتك لين حد الثملَ
لا تظن المسافر من يسوق الرحول
من وقف دون حلمه عاجزن مارحلَ

[مجبورة]

لا توادعني دخيل الله لا تبكي عيوني
و انت عارف (شنطتي) دمعي و ضيقاتي (متاعي)
سفرتي و مفارقك و البعد للضيقه حدوني
حسبي الله و الوكيل الله على بعض المساعي
سيدي و الذاكره حيه و لكنهم نسوني
الله يثبت ركون القلب في لحظة وداعي
ايه انا مسافر و لكن شفني مسافر بدوني
أنت نفسي و السفر موحش و لا له اي داعي!!

[نفسي عزيزة]

ياصاحبي
والله ماكبر من خطاك
الا خطاي

انا أتعذر بـ ( السفر )
وأنت تعذر بـ الظروف !

[مجبورة]

في ديرتي فم الكلام ماينطق احداثٍ نشوف
هذا حلال وذا حرام والحكم بيدين الظروف
وعينن تدور للعيوب
وعين تدمع
في ديرتي امن وسلام
ونخله لها متون و سيوف
ونور وظلام

[محمدبن عبدالعزيز]

من على الرمضا مشى حافي القدم
يستاهلك
ومن سقى غرسك عرق دمع و دم
يستاهلك
ومن رعى صحرا الضما ابل و غنم
يستاهلك
حنا هلك يا دارنا برد و هجير ..
حنا هلك يا دارنا و خيرك كثير
من دعى لله وبشرعه حكم
يستاهلك ..
ومن رفع راسك على كل الأمم
يستاهلك
ومن ثنى بالسيف دونك و القلم
يستاهلك

[مجبورة]

كل الذي اقدر اقوله

واللي ما اقدر اقوله

بأستاهلك.. حبيبتي

وباجاوبك ..للاسف ما به احد يستاهلك ..!

[محمدبن عبدالعزيز]

كل وافي على الطولات ملزوم
يترك القاع و يعانق سماها
إن غزيت السما لا تكسب نجوم
يا تجيب القمر و لا بلاها

[مجبورة]

آتلمّس بين الأضلاع منزاله
وأثره اللّي في ذرى القلب ماهمّه
مُترَفٍ يومِي دَلاَله ويبرى له
يوم كلٍّ يمدح الشوف ويذمّه
ماتورّث زِيِن عمّه ولا خاله
ياولد عمّ القمر .. يالقمر عمّه

[محمدبن عبدالعزيز]

هكذا العالم مفاهـيم وشعور
الامآني حلم والواقِـع طريـف

من تحلى بـالثقه قالوا غـروًر
و من تواضع للعِـرب قالوآ خفيـف.،!

[مجبورة]

في طريقي ضاعت الخطوه لكي
ماتميز بين نار وبين نور

[محمدبن عبدالعزيز]

ريح المطر .. يوم الهبايب تهبه ؟؟
قطراته تقول لخفوقي .. وش الحال
والحال داري ويش عوقه وطبه
من دون لا ادورّ ومن دون لا احتال

[مجبورة]

لا تحسبين اللي بقلبي لك شوي
لا تحسبينك زول مر ونسيته
أنت لي الدنيا ولعيوني الضي
وأنت غناتي والرجا اللي رجيته
حلفت أنا منساك مادامني حي
حتى السهر من شان عينك هويته

[محمدبن عبدالعزيز]

هو شعور ٍ .. يثلج الصدر ويصول ويجول ,
وأعتقد .. ما أظن للعمر من دونه طعم
لو بغيت أكتب عن الحب مدري ويش أقول ؟
بس أنا .. متأكد إنه : من ( أهم النعم ) . ,

[مجبورة]

متى تفرح بكاي امي متى وشلون كيف القاك
متى هالليل في مسك يذوب ويختلف لونه
تعبت من التعب وينك تعال ومد لي يمناك
. تعبت من التعب وينك تعال ومد لي يمناك

[محمدبن عبدالعزيز]

كلي تعب وانا اتحرى الظروف تزين
يا صبري على طول انتظاري ويا قوي

[مجبورة]

يا مغادر بقيق تكفى لا أتعداني
ياكيف تبعد وقلبي تشتعل ضوّه؟
تكفى دخيلك طلبتك والطلب حاني
حان الطلب والطلب لا قلت لك سوّه

[محمدبن عبدالعزيز]

هارب من كل شي إيخصّـني
والسوالف في فمي ماشلتها
لنّي إن سولفت عبرة إتغصّـني
وآتحسّـف ليتني ماقلتها

[مجبورة]

أبي للناس اسولف بك واقول اللي يصير يصير

واحسك سالفه لو سولفوها شوهوا زينك

[محمدبن عبدالعزيز]

كن السوالف معك ينولد لها جوّ ثاني ؛
أنا أشهد إن عذب الحكي عندك مبتدآه

[مجبورة]

‎هاك صدري فلّ ضلوعه ِصيغها بيديك سور
‎يحبسك فيني أماني .. قاربت للإنتصار
‎و هذا قلبي روض ورّق لإجلك إحساس وشعور
‎ما يضيره إنتظارك .. طالما الناتج ِثمار
‎لا أمحلت بِيد السوالف .. ماطر أشعارك يزور
‎كلّ شبرٍ مات فيها .. ينفث ابروحه عمار

[محمدبن عبدالعزيز]

راضين في حكم المقادير راضين
مايكتب المولا له النفس تنساق
والرزق عند الي خلقنا من الطين
و الناس ما تملك مفاتيح الارزاق

[مجبورة]

قسم بالله لو الدمع يفرج كربة المظيوم
فرج دمعي همومي كلها من جال لاجالي
وقسم بالله لو للعين سلطه مابقت لليوم
تهل الدمع من فرقا حبيبن فالحشا غالي
لكن الصبر نعمه والفتى يحيا على المقسوم
وكلٍ مايحوش الا نصيبه فأول وتالي

[محمدبن عبدالعزيز]

ياهيه ياللي تكتبون القوافي

خفو من ابيات المفارق وطاريه

تكفون بيحتوا كبار الخوافي

لا توجعون القلب مافيه يكفيه

[مجبورة]

‎هذا أنا لحالي هزيل الحال وأشعر بإكتئاب
‎كن قلبي جال بحر هاجرت عنه الطيور
‎أجرع الفرقا وأقول الحب عذب وللعذاب
‎كل قلب لاحرمه الوقت من خلّه يبور

[محمدبن عبدالعزيز]

رمـّـد هذاك الجرح .. مابيني و بين
قلب(ن) هقى لو أكثر الظن خايب

مرّت بي سنين أتوجــّـع و هالحين
طفل(ن) عشق في داخلي صار شايب

[مجبورة]

بكت عيني على ذكرى زمان من طراته فات
قبل تصبح بنا اادنيا كثيرات غباينها
سبايب ما دعاني لونين وهيض العبرات
بعد مريت دار في زمان زل ساكنها

[نفسي عزيزة]

(أحبك ) الحين ماهي مثل ( أحبك ) قبل ؟
متغير الوجه و النبرة و الأربع حروف !!

[مجبورة]

في عيون الضي
أشوفك شمس
أحسك همس
فجر يومي
وبقايا أمس
واذا تبغى
تعرف اني
معذب بك
معذب لك
وشاعر لك
وشاعر بك
تعال اسمع
نبض قلبي
وهو يصرخ
انا احبك
انا احبك

[محمدبن عبدالعزيز]

كـن الـعـيون بكل شــيــن محذوفـــه

والـقـلب كـن جموع ... الأيام تـرمـيـه

تسابقـنــي من زمــاني ســيوفــه

تــجــرح مــرادي .. في حـياتي وترمــيه

ياعـونـه الرحـمـن ... ويـن الـنكـوفـه

لـيـن انـتـحي ... الـخـفاق وش عـاد يثنيه

مارحت ادور عـــنـد خــلــى مــروفـــه

مــايرحــم ... الا الله فــلا شـك مـغـلـيـه

[مجبورة]

هالمواقف بعضها كانت كبيره
............بعضها خلاّه يتمنّى مماته !
وبعضها للحين لاتذكّره يضحك !
..........كيف "ذاك الشي" / "ذاك اليوم" فاته !
وبعضها للحين لاتذكّره يسرح
..............ويتسائل .. وين راحت أمنياته ؟!
آه ياذا العمر .. ياسرعك علينا
............وااجد اللي مايحسّون بـ فواته

[محمدبن عبدالعزيز]

هذا حال الدنيا ومن فينا اللي فيها ماقد شاف
اهوال ومصايب تخلي اجمد قلب فيها يخاف
تنبسط يوم على بالك ان الفرح بيكون حليفك
وتنسى ان الحزن والضغوط ينتظرونك بكل الأصناف
كل شي القلب عافه فيها
ولو قلت ممكن انها تتعدل بيوم بتتعب من طول المسافه
ولا شي فيها راح يتعدل الى متى وحنا دوم نتأمل

[مجبورة]

لو المفارق صعب والنسيان ضرب من الخيال
ارخاي راسي لايروق الها ولايحلالها
احفظ لها قيمة غلاها وأنتظرها من شمال
وإذا نستني هذي الدنيا وهذا حالها

[محمدبن عبدالعزيز]

الزمن هذا ماهو مثل كـل الازمـان
يدور فينا عكـس منطـق فصولـه
الشي وضده راحو بصـورة اقـران
والمذهل انـا مـا نحـس بذهولـه

[مجبورة]

‎هذيك اليالي وين..؟ اثر الزمان يدور
‎رجح في عيونك ذيك الايام ميزاني
‎انا كيف ابنسى خابرن قلبي المجبور
‎لو اني نسيتك ماني بناسي احزاني
‎زمانٍ مضى له دور واليوم غيره دور
‎انا اليوم مالد النظر لو تعداني

[محمدبن عبدالعزيز]

يفنى الكلام وتنتهي كل الاشعار
لاجيت ابوصف قدرك المعتلي فوق
واضيع في بحر المعاني والافكار
واقول مامثلك على الكون مخلوق

[مجبورة]

قدمت ماقدمت لكنك أنكرت
حتى الغلا مايوم جا فيه طاري
أقدرّك بس أنت مايوم قدرّت
رفعت قدرك فوق حتى مداري
يعني كذا وبلا سبايب تجبرّت
يعني كذا تبيع من كان شاري

[محمدبن عبدالعزيز]

يتعبني التفكير ياصاحبي واحتـار
ولكثرة الأعـذار ماشـوف تبرير

تزاحمت بي من تصرفك الافكار
في نظرتك هجر ومـوده وتقدير

[مجبورة]

ردي علي الصوت .. ردي حياتي
صمتك على شكوى حنيني .. مذله
اما اقطعي حبل الوصل بالنجاتي
والا عطيني باقي الود .. كله

[محمدبن عبدالعزيز]

هون على قلبك ترى آلوضع عآدي
آنآ من طعون آلليآلي ، تعلمت

آنـي آكـؤن بوجـه آلايـآم ، هـآدي
حتى لو آني من غيآبه ، تآلمت

[مجبورة]

تنازل عن بعض شخصيتك.. حاول تعيش حمار
تعلّم كيف تقرا..؟ وان تألمت.. اكتب ..الحاره :
تمر سنين .. والجار يتعدى مايمر الجار
يموت بناخي اللي مات.. وبناخيه مازاره

[محمدبن عبدالعزيز]

هذا الزمن ماهو مثل كل الازمان
يدور فينا عكس منطق فصوله
الشي وضده .. راحو بصورة اقران
والمذهل انّا.. مانحس بذهوله !؟
صار الردى يرجح ورى كل ميزان
والطيب وزنه مايجي ربع " توله "
الناس صارت لاقرب الناس عدوان
والمشتكي منهم / عليه اشتكوا له
يا ( مال ) شق الجيب لاصار له شان
وخلاك " رمزٍ " من رموز البطوله
يتبعك مقفي ويتذكرك نسيان
ويقبلك رافض لين ترفض قبوله

[مجبورة]

هذاك يفرح لا لمس جرح الاحساس
وهذا مناهي لا لقى فيك عله
تعيش بالوجدان ما عاش هالراس
لولاك قل لي ويش انا عايشن له؟
ان زانت الايام يا شوق لا باس
ولا صبرنا لين ربك يحله

[محمدبن عبدالعزيز]

هذي حدود الصّبْر ، هذا جَهَدنا
ماعاد توجـع صفقة الإيد بالإيد

فاتت مواعيد السّعَد ماسعدنا!
تعيش وتاكل يالعمر حسرة العيد

أحياء ...لكن بالدواخل جمدنا
والياس يقطع من حشانا عناقيد

من رحم حبٍ للحياة انولدنا
الله واكبر من ملانا تجاعيد..!

[مجبورة]

دنياك هذي كلها هَزِّ قاروق
ما تعرف الصاحب من اللي معاديك
واكثر كلام الناس بالمكر والبوق
يهرج معك واليا تِقَفَّيت يرميك
المال دايم صاحبه مرتفع فوق
والقل خايب لو تَرَفَّعْت يرْخِيك

[محمدبن عبدالعزيز]

كلام صادق ما هُو بمسروق
وابيات يا قلبي بِناَهَا يسَلِّيك
من هاجسٍ يطمي كما بحر صافوق
احذر على القلب الشقي يوم يِطْريِك
يا رَبِّ تجعلني من النار معتوق
واجعل ختامي طيباً يوم الاقيك

[تحت الظل]

كانت أعذاري لجل ذنبه ألوف
ماحسبت الذنب لـ اعذاري هلاك
راح عمرٍ ما يعوضه الحسوف
لاخطاه ولاخطاي ولاخطاك
يـ الأماني لامتك حتى الظروف
لي متى أكذب على نفسي معاك

[محمدبن عبدالعزيز]

كم مرة يطري على بالي أدعيــه
واصير أنا والنفس والقلب بجـدال

الوصل إلى ماصار من رغبة فيــه
ماهوب ينفـع في دواء جرح الآمال

إن كــان ماجا رغبـةٍ منه ما أبيه
يجي يجاملنـي بحـال من الاحـوال ..!

[مجبورة]

لا تبكّيني وتفرح عاذليني
لاتخسّرني بعد كبر أنتصاري
لاتخلّيني بعد فيضة كنيني
وأنت خابرني على الوصل .. أنتحاري
لاتروح بروحتك؟ كلّن يجيني
ماني مكااابر .. ولا حتّى مدااري

[محمدبن عبدالعزيز]

يكفي عن أحلام الحياة وطربها
لو ساعةٍ ببكي على ساعة قصور ​
​

أصيح شمسٍ ما تمن بذهبها
تنثره قلبٍ صادق .. ودافي شعور ​
​

والا النهار اللي عيوني حربها
اقبالته لحظه.. وغيباته دهور ​
​

[مجبورة]

رحت أدور دفوة الشمس ضيعت الضلال
جيت اطفي شعلة النار والقلب انكوى
ماهقيت ان السعادة خيال في خيال
تروى قلوب الحبايب وقلبي ما روى

[محمدبن عبدالعزيز]

البدو...شف لآجفت الأرض وشلون
أنا تراني مثلهم في غيآبه
هم من ضمآهم للسحآيب يشدون
وأنا آشد من الوله يــم
بآبه !!

[مجبورة]

هُوْ الفُرَاقْ، أَبْعَدْت، وْكِلْ طٍيُوفَهَا عِنِّي بْعَدَوْا
، أَغْمَضْت عَيْنِيْ، خُوفْ لاَ تَلْمَحْ بِقَاْيَا اسْرِابُهُمْ
يَاْ صَاحِبْ الدَّرْب إِنْشِغِلْ عَنِّيْ إِذَا دْمُوْعِيْ بِدَوْ
، لاَ تِكْتِرِثْ، دَامْ البدُوْ صِلْفِينْ مَهْمَاْ صَابِهُمْ

[محمدبن عبدالعزيز]

ماعلمك طول الفراق اني كبير ؟
‏واني على كثر اشتياقي ما اتبعك
‏ماقلت لك قبل التمادي استخير ؟
‏خل العناد اللي غدا بك ينفعك

[مجبورة]

كان أصرار العناد مدري فراق تعده
وكنت انا من طيب ذاتي احسبه شوق نصاك
كنت اقهويك المحبة من دلال مستعده
تسقي العالم محبة وانتي تسقيني ال هلاك
أنتهى ماكان فيني وأبعدي يامستبده
انتهيت وربي عالم وين وصلني غلاك

[محمدبن عبدالعزيز]

كنك الرجم .. وإيديني تبي تطلعك
وآتمايل وأصير .. معلق ٍ في حجـر
لا وصلت لغلاك .. ولا قدرت أجمعك
ولا بقى بين هالثنتين .. غير الصبر
يا كبر قدرك بقلبي .. ويا مسرعك !
لا تمشيت مع دمي .. وأشوفك تمر

[مجبورة]

راح النهار بشاعري ، روحي ، جسدي
لا شوف بي ، لا نبض ، ولا حتى دما
ماغير صوتٍ حالمٍ ويرددي :
(هاتوا قميصه يمكن يروح العما ..
خلوه يرجع لي ويعلن مولدي )
والوهم يصوّر لي خطاويه وكما

[محمدبن عبدالعزيز]

اعذروني.. لا تعلقـت بخيال

فيني طفل ما مل من كلمة .. [ ياليت ]

كل ما نهرته غمض عيونه و قال :

وش للزمـن .. يقسى ويهدم .. [ ما بنيت ]

محتار اجاوب ولا امسح دمع سال

يا من يبيع الصبر .. في الحال [ اشتريت ]

[مجبورة]

تلقى ( ياليت ) التمني

تذبحه

وتسيل مني

وقالها صبح تلعثم في شفاة الأجوديه

امشط الليلة هباءا ً وانتظر ( قذلة ) صباح

[بنت النشامه]

‏حاولت اغيب شوي عن كل مخلوق
‏قلت اختبرهم في نظام المحبه
‏.
‏لكن لقيت ان الغلا ماش والشوق
‏والحب كله من وقــع فـيه سبه
‏
‏

[محمدبن عبدالعزيز]

هذاك ياخذ حاجته منك ويروح
وهذا معك ما همه الا نجاحك

يجاملك شخص يبي منك مصلوح
ويصارحك شخص يدور صلاحك

[نفسي عزيزة]

كل السنين إجحاف
و العالم تبي منّي صبر
يا وين أبلقى هالصبر
و أنا تثاقلت الثياب !!

[محمدبن عبدالعزيز]

بالك . ! السرّ اللي بصدرك تذيعه
لو تناهشك النواظر بالفضول
كل واحد من عيالي له طبيعه !
وانت من صغرك .. على .. كبرك عجول
والله اللي نّزل احكام الشريعه
لو تقول اللي تقول ... او ماتقول
لا تنكّر.. كل متبوع لتبيعه
مايفوز اللي تبع غير ( الرسول)

[مجبورة]

لاتحسب ان الحياة اغيوم خير وابردي
والله إنها لازوت حجانها..نار ضرام
ومن يقول إن المراجل هي تباع وتنهدي
المراجل عسرة..تبغى عيون ماتنام

[محمدبن عبدالعزيز]

مآهقيت أن النوآيآ الطيبة ..|تصــبح مسيئة !!
لين { نيآتي }.. أحذفتني بـ البحر من غير قآرب ,

في هالزمن .. صدق المشآعر | تعتبر أكبر ..خطية..
يختلط وجه الخـــطآ بـ الصح من كثر .. التقــآرب !

[مجبورة]

به من يكافح ما تساعده الظروف
و به من قدر يجني ثمار لكفاحه
و مهما حصل لا تصبح بيوم مكتوف
الايدين ..الانسان العزيمه سلاحه
خل بوتر قلبك لحن طيب معزوف
ينهي لك ازعاج الطمع في صياحه
خل الوفا شمس بلا موعد كسوف
تضوي جبينك بالهدى و السماحه

[محمدبن عبدالعزيز]

هذا زمن منتهي يحتاج من يصفعه
يمكن يغير مساراته و هي ظالمات
وهذا الشعر ممتلي بالظيم من مطلعه
لكن على الظيم كله به تلاقي حلاة
هذا هو الشعر يا قاريه يا سامعه
إفهم معانيه في تركيبة المفردات
و اليا فهمته حذاري تستوي إمعه
الوضع ما هو بناقص تكثر الإمعات

[مجبورة]

تحديت فيك الشاعر اللّي من الشعار
بعد ماتقول أسمه تذكر علامة ( قود )

[محمدبن عبدالعزيز]

دايم اكتب اشعاري بالثقه واختمها
بختم العلامه الي مايجي فيه من..قود

وارسم حروفي على الاوراق واجملها
والنوايا بيضا لوكانت حروفي ... سود

[مجبورة]

دايم اعرف كل شاعر يهيم بكل واد
وان هم دايم يقولون ما لا يفعلون
حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون

[نفسي عزيزة]

نسمع الزلة وطبع الكرام يردّنا
ما نمادي الصاحب بـ زلته و نقول ليه

نبتعد عنّه و لو كان ماهب ودّنا
لجل لا يزعل علينا ولا نزعل عليه

[مجبورة]

هذي اللي حلاها مايبي قول قايل
ماهي أول غلا لاشك مسك الختام

[محمدبن عبدالعزيز]

ما قلتلك كل ما تكسّر بي شعور ،
مْـن الحزن كسّرت هالدنيا شعر !​

[مجبورة]

ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون

[محمدبن عبدالعزيز]

نعمتين اختصوا الخلق من جـود الجـواد
كافل الأرزاق مـن حيـث مـالا تعلمـون

البنـون ونعمـة المـال بعيـون العبـاد
زينة الدنيا بـلا شـك فـي كـل العيـون

مثل زينة دنيتي بـس عنـدي شـي زاد
من عرفتك صاروا المال وانـت والبنـون

انتشي بك نشـوة التيـه لعنـاق الرشـاد
وافزع الك فزعة القرم لشهـاب الزبـون

[مجبورة]

نزعل ولكن بالزعل دمنا حار
نفزع اليا شفنا العذارى يصيحون
عقالنا معهم من العلم مقدار
ومجنوننا ينطح ثمانين مجنون

[محمدبن عبدالعزيز]

نزعل ونرضى يحن قلبي ليهم
بلا رادتى ننسـى الزعـل ونجيهـم
ساعـات نملـى يـدى وساعـات
نزعـل ليـن نوصـل حـدى
نداري الزعل في خاطرى ونعدى
ويغلب عليـة الشـوق ويناديهـم
غوالى علي وخاطرى شاريهم
نموت بالعطش ونـا اللـي راويهـم

[مجبورة]

مدري وش اللي أبيه !!

ضايع مابين أمرين

الحلو فيهم ألم

والمُر تدري به .

حالة غريبة عشتها لحالي

مابين شوقي وبين غربالي

طاري رضاك الهاجس الغالي

أما زعلك

الله لايجيبه .

[محمدبن عبدالعزيز]

هذا اللي حسيته أنا

يوم اني جيته

بارد أطرافي وجل

متلعثمة من خوفها

مو قادره تسلم عليه

والله قلبي ماسألني ليه أبيه ؟

علّقت قلبي في ايديه

من قبل ماافكر أنا

هو مات فيه

وضعت أنا

في الحالتين

والله مدري

قلبي باقي في مكانه؟

ولا غادر ذا المكان !؟

[مجبورة]

ناديت له لكن تجاهلني وضاع
صدّ وعلى عمياه .. ساق الركايب
أقفى على رايه .. ولا فيه مرجاع
مثل السحاب اللّي قفته الهبايب

[محمدبن عبدالعزيز]

بالناس من يلبس على وجهه قناع
حسود .. لكن في ثياب الحبايب
هذاك ماني في مخاواه طماع
من قبل أجيه وخاطري منه طايب

[مجبورة]

بـ فارق أعيونك وشوقي منتثر
واجيك انا ظالم و قلبي مدعي
و أكسر اقلامي وبنقش لك شطر
إذا نساني الحرف كوني لي وعي
اشتاق لوصالك واهديلك هجر
وأحب عذالك لا من صرتي معي

[محمدبن عبدالعزيز]

يكذبون ب هالأماني والوصل

وإن بنوا فينَا مشاعر ،، يرحلون !

[مجبورة]

نكذب ونصنع لابتساماتنا باب
ونسمّي الحزن المرتّبسحابه
كم صبحٍ ابلج في سواد الدجى غاب
وكم ليلٍ أسبل بالمحاني عذابه

[محمدبن عبدالعزيز]

هنا نبي نقّلب"الموال"لـ"اوف اوف"
ولاّ بعد نُثبت ان المُثبته /نافيه
وان مرّ"غاوي" يحاول يزرع الدرب خوف
قولوله"السمّ" شغله تشبه"العافيه"

[مجبورة]

هو سؤال الله واعلم
هاك مني
واسمعه
والسؤال بكل بساطه
دام طرّيت
السؤال
أنت ضد القلب
والا
يابعد روحي
معه ؟

[محمدبن عبدالعزيز]

هذا جوابي... على ذك السؤال
ان كنت انا مع القلب والا انا ضده
والله اني مع قلبي وعقلي في سجال
مابين دفاع ومابين هجمة مرتده
وان جت على الاحاسيس فيها جدال
كل المشاعر مع القلب والاالعقل ضده

[مجبورة]

‎هو سيد القلب و غيره حلف لاصده
‎هو راس مالي و خطواتي بخطواته

[نفسي عزيزة]

هي أسراري !
هي أقداري !
من الأخر
سرقها لص !

[مجبورة]

صراخى فى الظلام .. ان ما كذب

يشبه ..

ظلامى فى النهار ..

ويشبه سكوتى ..

طريقى للمطر ..

هو الوحيد اللى بقى ..

ما يشبهه .. موتى ..

أنا العاشق ..

زرعت الما بنار الانتظار ،

[محمدبن عبدالعزيز]

رغم الندى في صدق حزني

ياعيوني ذابلة فيك الغصون ،

ولا قوت شيل الطيور الناعمة

والخايفة من موسم فيه الرحيل اقرب

وايام الرحيل اغرب ..

ترمينا عطش لدروبنا ودروبنا تشرب ..

وظلت ذابلة هذي الغصون

وناشفة هذي العيون ،

برغم تاريخ المواويل الندية ،

كنت انا :

هذا الحطام اللي تباكى ،،

كنت انا :

هذا الحطام اللي عرفته ،،

كنت انا :

بحار ..

واجمع ماتناثر من حطام البحر في وجه النوارس

كنت انا صوتي !!

[مجبورة]

ياعين لاتبكين ترا البكا عيب
حتى ولو صكات بقعاء قويه
ويارجل لو جبارتك للعراقيب
ابداية المشراف حقك عليه
لابد ماتجبر اكسورك وأنا أطيب
بإذن الله الرحمن رب البريه

[محمدبن عبدالعزيز]

هلي صافي الدمع ياعين هليه
وإلى انتهى صافيه هاتي سريبه

اللي يبينا عيت النفس تبغيه
واللي نبيه عيا البخت لايجيبه

[مجبورة]

هايم امولع على نار ٍ لضيه ..
و الغضي سالي و لا همه غيابي
ما يبالي و كن ما عنده دريه ..
و ان سألته صد ما رد الجوابي

[محمدبن عبدالعزيز]

ي‏رعاك الله يالعين الشقيه
زمان البين سوا بك سوايا
طرقك من القدر نارٍ لظيه
لها باقصى معاليقي كوايا
قهر وهموم وهجوس قويه
‏تناهش بالحشا مثل الحيايا

[مجبورة]

الله أقوى غدا شوفك سراب
كيف أبا أروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما

[محمدبن عبدالعزيز]

أنا أدري أن الوصل تاليه لفراق
ولولا الأمل .. ما تحمل النفس ضيقه
أمس سرى في تالي الليل براق
قلبي يفز لنوضته بتخفيقه
وسمٍ بكور صادق الوبل دفاق
لو شافه الظميان يبتل ريقه

[مجبورة]

هل يا ترى ببني على حلمي أساس
أم يا ترى ببقى على هالوتيرة
والأفلاس ماهو افلاس من حلم ! الأفلاس!
إذاك ما تملك لنفسك بصيرة
ما خلق شيء إلا بقدرٍ وقياس
ما شي يغلب شي أو يستعيره

[محمدبن عبدالعزيز]

هذي احلام مالها بالواقع أساس
وياكم حلم... ماعرفنا تفاسيره
الافلاس على حدعلمي بالافلاس
من فقد شي ولاقدر يستعيره
يجيه في هيئة حلم على غفلة نعاس
وان صحاالحلم طارت عصافيره

[مجبورة]

هذولا لو اقول ان البحور تكذب الغطاس
عطى كلٍ شعيب وضاق جوّه .. يالله الخيره
سماسرةٍ على روس السنتهم فلسفه وافلاس
ياشين المفلس اللي لج خلق الله بتنظيره
انا رغم انفهم راع البياض المرهف الحساس
وانا اللي دلته تسوى لها عشرين تبهيره

[محمدبن عبدالعزيز]

هذولااصوات مثل أصوات الاجراس
والجوف خاوي لابه بر ولا به بريره
أصوات مزعجه منها يصدع الراس
مهبول يامن تاخذهم لك ذخيره
لك سلامي يمن له مع الناس نوماس
وجه سفير وكل افعاله سفيره

[مجبورة]

هذاك اللي سرق فكرك وخلى نظرتك مدلول
تبين كل آهاتك وقلبك عاف منزاله
وانا ياصاحبي قبلك وكنت العاشق المهبول
لأن العشق في قلبي وفكري صار مدهاله

[محمدبن عبدالعزيز]

هز السّما يمكِن تطيح السحآبه
على كفوُف مصافح الوصل يَا ديمْ

تنبتْ على الأرض الهشاش الكِتابه
تنتِج زهر بين إختلاف المفاهيمْ

ما عافت [ الشّمس ] القُمر فيْ غيابه
لكنّها " صدّت عنْ اللّيل وَ الغيمْ " !

[مجبورة]

مسوي (بلوك) لقلوب الصبايا
و لا ينفع(دليته) والا (أأده)
سكن في صدر صدري و أستحله
و ثبت فيلقه و ارسل عتاده
يدك القاع مشيه فالحنايا
و في عرقي تجي جرة جياده

[محمدبن عبدالعزيز]

هلا يا مرحبابك يالمنادي
تنادي صبح و أنادي عشيٌه
هلا و السالفه قيس الملوح
كفر به حب ليلى العامريٌه
يا كم ما بينهم بعد و قطيعه
و مع ذلك علاقتهم قويٌه
قصصهم تنحكى في كل ديره
على لسان بدوي و الا حضريٌه

[مجبورة]

هي كذا والاّ كذا ما عندي استعدادي
حلم والاّ علم والاّ افكار رومانسية
يأخي مالك ومالي لو يطول رقادي
لاني بسارق ولا انت بجهه أمنية
روح شف لك شغل غيري تو ليلك بادي
وخابرك مفتون بالبرامج الشعبية

[محمدبن عبدالعزيز]

هيه يابرق الحيا ياللي خيالك شامي
زد وانا مع زود براقك يزود اسروري
رايٍ اعتقده وهو ماهو بشي الزامي
مير ابا اشارك زعم لو ماطلبتوا شوري
كل بيت من القصيده فيه حقل الغامي
ماسلم منها لوانه كبر راس اظفوري
واضحه للي يعرف النقض والابرامي
التحدي لب والشكوى غلافٍ صوري

[مجبورة]

يوم اللحم شد حيله دون برد العظام
هذي سروج التحدي في ظهر خيلها
الصدر هداج وجزال المعاني حيام
انا لها وانت يصدري مداهيلها
لو طار من دون غيمتنا غبار وعسام
والله ليرعد سماها وارتوي سيلها

[محمدبن عبدالعزيز]

ان نشف ريق الكلام العذب من صدري تبله
وان بغت تسبح مع الغيمه تعزوى في خيالي
يحسبون البدر يوم انه نحف لاجل الاهله
مايعود كامل الاوصاف في بيض الليالي

[مجبورة]

ياطول مجليت الليالي عليه
قلبي يراعيهم وعيني حزينه

[محمدبن عبدالعزيز]

هلال هل من غيب الستائر
رنت من نور طلته البشائر

أتى شهر التبتل يا أميه
فجدي العزم إن العمر زائر

أتى شهر التهجد ليت شعري
وفي الأسحار قلب الحر سائر

[مجبورة]

رَمضانَ الخيرِ، أقبلتَ إلينا
وَجْهُكَ الزاهي دياجي الظُّلمِ نوَّرْ

[محمدبن عبدالعزيز]

رعاك الله يا ذكرى ليالي اللي تمر البال
تذكرني سعاده يوم اغمض وابحر بفكري
تغير حالي المنهك طيوف الحب لأفضل حال
تباعدني عن الدنيا ومافيها ولي عذري

[مجبورة]

يا بني أمتي علام التغاضي
ولماذا صار اليقين ارتيابا؟!
نحن أقوى بحقنا فلماذا
نجعل الذل منهجا وكتابا
وإذا استسلم العظيم بأرض
فسيغدوا الذليل فيها مهابا

[محمدبن عبدالعزيز]

أَفقِْ أَيُّها التّاريخُ ، نَبِّهْ رِجالَنَا
فَيارُبَّ مَرْموقٍ لهُ أَلْفُ هَفْوَةِ
َأِفْق أَيُّها التاريخُ ، أَدْرِكْ حَقيقَتي
فَعَنْ نَهْجَ ديني لن تَضِلَّ مَسيرَتي
أَفِق ، و انتَظِر من أُمَّتي وَثَباتِها
فَلَن تَقِفَ الأعْداءُ في وَجْهِ وَثْبَتي

[مجبورة]

يا أمتي إن بكينا اليوم معذرةً
في الضعفِ بعضُ المآسي فوق أيدينا
واهاً على السرب مختالاً بموكبه
وللنسور على الأوكار غادينا