سجال الشعر والمشاعر

[مجبورة]

انا لا أشكو

. . ففى الشكوى انحناء ! !

وأنا نبض عروقى كبرياء ! !

[محمدبن عبدالعزيز]

انا لااسال الناس حاجتي
ففي مسالتي لهم هم وكمد
ولكن دائماشكواي ومسالتي
لله ربي الواحد الفرد الصمد
محمد

[مجبورة]

دنيا هيال ولا لحقنا لها جال
وأزريت اميّز سهلها من وعرها
كان اقبلت ياحلو هاك التبهلال
وان ادبرت سوّ(ن) على اللي حضرها
ماظنّ فيها واحدن(ن) داله البال
إحفظ لدينك وانتبه عن خطرها

[تحت الظل]

إن كان للدهر أحوالٌ يبدلّها
وصلاً وبعداً فما للشوق أحوالُ

بيني وبينك أميالٌ وما ابتعدتْ
قلوبنا ، ليس للأشواق أميال ُ

[مجبورة]

لِلدَّهرِ إِدبارٌ وَإِقبالُ
وَكُلُّ حالٍ بَعدَها حالُ
وَصاحِبُ الأَيّامِ في غَفلَةٍ
وَلَيسَ لِلأَيّامِ إِغفالُ
وَالمَرءُ مَنسوبٌ إِلى فِعلِهِ
وَالناسُ أَخبارٌ وَأَمثالُ

[محمدبن عبدالعزيز]

للدهر ادبار.. واقبال.. وموعضة
لو ادركةكنهها لتغيرت بك الاحوال
في ادبارها حكمة وفي اقبالها عبرة
وفي كلا الحالتين احوال واهوال

محمد

[مجبورة]

لا تنخدع وتموت وأعمالك صفر
ما تنفع التوبة إذا جتك الوفاه
الاستقامة واضحة مثل القمر
في ليلةٍ فيها السماء صافي صحاه
والا الدروب العوج تغري من فجر
عيناك تنظر بس قلبه في عماه

[محمدبن عبدالعزيز]

هيه يالي غرتك الدنيا ودروب الحياه
الى متى التسويف وللموت ماعندك خبر
يجي على غفله وماتسمع في جيته لك خطاه
في لحظه ...في غفلتك ... في لمح البصر
تنام عى فرش الحرير وحلمك ماوصل منتاه
وتصبح وتحتك تراب وفوقك تراب في ظلمة قبر

محمد

[مجبورة]

رح وين ماتشتهي رح قد ماتقدر
أنا اول الناس في قلبك وانا الباقي
يكفيني انك تعذبني وانا اتفجر
قصايدٍ تنتظرها كل عشاقي

[محمدبن عبدالعزيز]

ياعشقي المجنون الساكن باعماقي
ياسحاب الوصل قل لي متى تمطر
ياقصيدي المسجون داخل اوراقي
قل لي متى يفرج عنك سجانك الدفتر
محمد

[مجبورة]

‎روح لاجابك امجيب الغيم واترك لى صوابك
‎جيت حلم ورحت حلم تشبه احلام الطفوله
‎ماأنت بأول من طعن هالقلب والدرب انتهابك
‎ياثقل خطواتك البارح وهالليله عجوله
‎باغى الفرقا !!جعل ربى يعجل فى ذهابك
‎بايع قلب لك الله كنت ماتحلم تطوله

[محمدبن عبدالعزيز]

هذا هو الكلام الي قدرك ربي تقوله
كنك تعاتبني وتبرر لي سبة غيابك
انا ماجيت حلم انا جيتك حقيقه مع رجوله
قبل ماجيك مع الباب تنحنحت ودقيت بابك
انكان هي غلطتي اعتذر والمشاكل محلوله
وان جيتني معتذر نذرعلي ما اقول وش جابك
محمد

[مجبورة]

كيف اعتذر لامن طني طيّب الفال
وشلون أحرر للإجابه سؤالي!
يعني اقول ان القدر دوم ختّال
ولا أقول إني ضحيّة هبالي!
أحيان أحس أن الجبل غلطة الجال
واحيان احس الجال غلطة جبالي!

[محمدبن عبدالعزيز]

يا معتذر لاتعتذر تبقى عزيز وغالي
دايم طيبك سابق عذرك ياطيب الفال
وانا من طيبك ياصاحبي ارفع لك عقالي
وقدرك عندي ثابت ماتزحزح ولا زال
وان كان اعياك جوابك عن سؤالي
اسحب سؤالي والغيه واضرب به الجال
محمد

[مجبورة]

لا تستذير معاند الشوق غلطان
الله عطاك امر الخفوق وتوله
احيان اسوق العمر وتسوقه احيان
بيني وبينك دق عمري وجله
نمسي على جال المقادير خلان
نصبح ومرباع الغلا في محله

[محمدبن عبدالعزيز]

هبت شمال وعانق الشوق ظله
وارتمى في حضن غاليه بردان
يبغي دفى من زمن ماحصل له
جاله مع الشوق مشتاق وشفقان
من فرحته شال القصيد عرضه وشله
وحرك في محاني الصدر الاشجان
محمد

[مجبورة]

نرحل وموج الشوق ضده وضدي
من لج يطمينا و نغرق جماعه
وانهيم في بحر الغرام ونعدي
كل المواني والشواطي رباعه

[محمدبن عبدالعزيز]

هي جت كذا...وياشين القطاعه
وادري انها مع الزمن لازم تعدي
لكن القلب مابه على الفرقا استطاعه
ودي بجمع الحبيايب وبالفرقا ماودي
محمد

[مجبورة]

يا صاحبي بالحيل اشوفك تشكيت
تشكي علي وما جرالك جرالي
تشكي علي الحال وتقول مليت
لا بارك الله في هموم الليالي
ما شوف انا منك القطاعة الى اقفيت
ترسل وتاصل كل ما جا مجالي

[فـــــارس]

يالله ب رزق مانكتب للمخاليق

رزق يخلي كامل العقل مجنون

استغفر الله قلتها حزة الضيق

والاالعقل نعمه الياصار موزون


فارس

[مجبورة]

نضحك مع الناس والدنيا نلاعبها
نمشي مع الفي طوع حيث ما مالي
كم من علومٍ وكم آداب نكسبها
والشعر مازون مثقالٍ بمثقالي

[محمدبن عبدالعزيز]

يالله انك تبدل من حال الى حالي
وتكفينا شرورالايام وسو عواقبها
نضحك مع الناس ضحك العيالي
وبالنفس هموم ماتحصى متاعبها
قل للقصايد ان كان جالها مجالي
تمطر هماليل من جود سحايبها
محمد

[مجبورة]

اشوف رضاي هم االي دعاني
و اذا قفيت عزّي له يدمّر
و با لحدان أنا لامن شكيته
شكتني طيبتي كيف آتنكر
وأنا صادق عناي بكلمتي
له و لكن الحكي عنده مسخّر
فشوف اوقاتنا كيف استمالت
صروف الوقت هدّت ماتعمّر

[محمدبن عبدالعزيز]

رحت ادوررضى الي رضاه اعياني
كل ما جيت اشكيه سبقني وشكاني
يقول اني انا المخطي وهوالمخطي
واعتذرله عن خطاه لا كفاه ولاكفاني
من طيبتي اقول بكره بيجني يتعذر
ويجي بكره وهوالي تاخرولاجاني
محمد

[مجبورة]

يا عذابي ما سليت اللي يسليني عذابه
كم كسى برد المشاعر بالحنان وكم شكيته
كل ما وداه طاري راح له طاري وجابه
والغلا من عز راسٍ ما لغير الله حنيته
بس يا كبر الفراغ اللي ترك لي في غيابه
احتواني موج عشقٍ فاض بحره واحتويته

[محمدبن عبدالعزيز]

هذاك الي خذاه الوقت مني ولاجابه
تعدى حدود الامل وانقطعت رجاويه
كان له بالقلب سعة صدر مع رحابه
وكان له بالعين فرحه لـ لدت النظرفيه
كان... وكان... وكانت مشاعرنا تشابه
اعني له واما عنيت عنّا لي خطاويه
محمد

[مجبورة]

هو يقبل وطير الوصال يغردي
وأركز واصحى من اوهامي فما
غير الرياح العاصفه بالجرهدي
ما فيه غير الرعشه ودمعٍ هما

[محمدبن عبدالعزيز]

الشعور الي بصدري له قد نما
كنه طفل لاشاف امه جاها يعدي
يفتح يدينه كنه بيطير بها للسما
رجليه بالارض ويديه عند الجدي
محمد

[مجبورة]

يوم أنا ( أول ) أهمك ؟

ماسألتي كيف حاله ؟

طفلك النايم بصدري ؟

وكيف لامنّه تشوّق

قمت احس النار حدري ؟

وكيف اجاوب لاسألني ( ياترى بالحال تدري ) ؟

كيف ابهرب عنه قولي لي أمانه ؟

وين أودي وجه صبري

لابكى فيني حنانه ؟

وكيف اسليه ب غيابك ؟

وأنا احس إنه بصدري مل ّ حتى من مكانه

[محمدبن عبدالعزيز]

هذاك (اول)يوم كناجماعه
عندنا من الفرقا مناعه
تتصل تسال لواغيب ساعه
لوما تسمع صوتي تجن
بين لحظه ولحظه تحن
الله... كيف غيرتنا الليالي
ماعاد تسال عن احوالي
ماعودتنا قلوبنا على الجفا
وماعاد هي مسالة وفا
لحظة صفا
مر عليها الوقت وعفا
ونامت عيوني والحلم ماتغير
لحظة صفا لوتعود
تغير.... لوساعه
نجتمع فيها انتعاتب
وانتحاسب...من هو الغلطان؟
الغلط فينا .. انا وانت والزمن
والجماعه!!
محمد

[مجبورة]

هي فقط : حالة شبه

يعني لو ترسم مساحة من مساءات وحديقه
أركن أحساسك ابرف ٍ ضج باحزانه مساء
أنت لوّن استيائك من صباح الهم ضيقة
تكبر بعين المشاعر حتى لو فيها غباء
وانطلق من صبح أبيض ينتشي فيك الحقيقة
وانتثر لعيون بنت ٍ تنثر الحب بسخاء

[محمدبن عبدالعزيز]

الولاءلعيون من ينثر الحب بولاء
يمطر من سما وصله ويزهر طريقه
المشاعر ماتعيش بعيون بخلاء
لـ جفت قلوبهم ...ماعادت تطيقه
كم رسمت الصبح بعيون المساء
ورسمت الظل لاجل نور الحقيقه
محمد

[مجبورة]

هذا أنتي

ماتغيرتي كثير

تاخذين " الصبح " من كفه

ومن كفه أطير

وتقلبين الريح مشهد : من مواويل وعبير

وهذا أنتي تسأليني : صح أنا وحدي الأميرة

وانت لي وحدي الأمير ؟

ماتغيّر أي شي

" بس أنا أحبك كثير "

[محمدبن عبدالعزيز]

رحتي وجيتي
مثل ماانتي...ماتغيرتي
ولا كبرتي!!
بس الحلى زايد شوي
موكثير؟؟
الا..كثير!!
في كفوفك ورد
وفي شعرك حرير
وانتي مثل مانتي
احساس وشعور.. حماس...وفتور
انا : تغيرت ...وكبرت ...واشتقت
وكل يوم فيه اكبر...
حبك معي يكبر...
ولوطولت فيك القصايد وكثرت
موكثير..موكثير!!
محمد

[مجبورة]

رحت له من غير موعد,وجيت بموعدي!
أستجد الذكريات القديمة واستعيد
اذكر اني كنت اشك ان "موتي مولدي"
وكنت متأكد بلا شك..ان الشك أكيد
كنت احس اني مثل كل شيٍ سرمدي
ابتدي,ثم انتهي بالبداية من جديد

[نفسي عزيزة]

دام الـوجـع مـاشب راس الـفـتيله
رح خـَلـّها بسـْمَه وصـدّه تذكار

مـالَك ومـال اهـل القـلوب الـعلـيله
لاتـاخـُذك وتجـيـبك اوهـام وافكار

[مجبورة]

رح في طريقك مانبي منك الاعذار
خل العذر للي يجي في حياتك
اللي مضا من بيننا اليوم تذكار
قصة وفا شلها مع ذكرياتك

[محمدبن عبدالعزيز]

كنك تقول ياصحبي ياكبراهاسواتك
ماخلت للمعاذير عندك لها كار
وسع صدرك والي مضى شيله من ذكرياتك
خلنا نرجع اليوم مثل ماكنا صغار

[مجبورة]

ردتني الشوفه ورديت للماضي

لقيت نفسي غصب تبكي على الماضي

تذكري في يوم قلتي نبي نرحل

[محمدبن عبدالعزيز]

لو الشوف يمتد للماضي ورا
ويرجع كل ما فيه صار وجرا
ونلعب مثل ماكنا نلعب(عظيم سرا)
ويعوّد كل من راح عنا ورحل
محمد

[مجبورة]

للرحيل ألف معنى ، وإن جهلت الرحيل
أسأل الورد في فجرٍ كساه الندى
يا حبيبي .. وأنا دربي عريضٍ طويل
شلت طيفك / خفوقٍ في يدي ما هدى
رحلتي في عيونك مثل عابر سبيل
ولي شعورٍ قديم ، وما انتهى إلا ابتدى

[محمدبن عبدالعزيز]

النهار اقفى والليل توه ماابتدى
وانا والليل رفقه... خل وخليل
تخالفت كل الدروب ولكل خطوه مدى
اجيك عاني لك وتشد عني الرحيل
مره كنك الغيم مايمطر الاندى
ومره كنك السحاب المرزم الثقيل
اعرف انك وافي ومابطبعك ردى
لولاي احس انك في حياتي عابرسبيل
محمد

[مجبورة]

لكن قناعاتي ورا الصبر الجميل
تحلف على ربط الحزن ويفلّني
يا سيدي ما فات خلّه حلم ليل
وعن ما يذكّرني همومي شلّني
بعدك كذا علة وأنا مبطي عليل
والناس وظروف الزمان تعلّني
قربك سبيلي دامني عابر سبيل
تعال وإجمعني سحاب وهلّني

[محمدبن عبدالعزيز]

يازمان الوصل تعال وشوفني
كيف انا عقب وصلك غادي عليل
افك رباط الهم ويعود ويلمني
تعال رتبني حقيقه او انثرني حلم لليل
ومن سالك عني قل : ماعاد يهمني
شفت غيره واتخذته حبيب بديل
لاتخليني للوهم كل من يرمي صابني
ماعاد لي حيل ولاعندي للحيل حيل
محمد

[مجبورة]

لاتخليني طويلٍ كل من حوله قِصار
لاتحمّلني على حملي حمل مايُحتمل
ويش اسوي والليالي نار وضْلوعي وجار
ملّ قلبي من ضلوعي والليالي ماتمل

[محمدبن عبدالعزيز]

لاتعاتبني وانا على عتابك ما احتمل
يكفيني ماشلت من هموم وحمول كبار
خلك معي حنون واصبر علي بلاعجل
ترى مابيني وبينك طوال ولا قصار
محمد

[مجبورة]

رحت ماكنني .. مشفق ولا مهتوي

أأتباعد ولا أشوفك .. علاشان أشوف

أنّي الضامي اللي مايبي .. يرتـوي

لانّي أجلس وسط عينك وأخاف الوقوف

وطبعا .. أخاف من بعد الوقوف .. أأهوي

[محمدبن عبدالعزيز]

يتعب من طوّل وقوفه ويبدا يهوي
وانا مجرب التعب لاطولت الوقوف
والانتظار ممل للشفوق المهتوي
بين يجي او مايجي هواجيس وخوف
به رعشةجبان وبه صلابة بدوي
وقف يخايل خيال يشوف اوما يشوف
محمد

[مجبورة]

فلاتحسبنّي رخصتك لالا وواللّه
أنّـّك مخاشر غلاي لوالديـني

[محمدبن عبدالعزيز]

يبطي الغلا مافارق شراييني
لونشف دمي يبقى في محله
محمد

[مجبورة]

هذا انا ياصاحبي حلمي الاقي لي اجابه
لا انفجر صدري وضاقت دنيتي بحروف ليه

[محمدبن عبدالعزيز]

هو مالنا بها الزمن غير انا انتشابه
حتى الحظ ان جادمره الباقي لك عليه
محمد

[مجبورة]

هذيت : لكن وين اببدا ومن وين؟
الحب مغري والمواجع تشابه

[محمدبن عبدالعزيز]

هذا الي كنا نخافه وكنا نهابه
السؤال الي جوابه بين قوسين
محمد

[مجبورة]

ناهيك عن غيره وغيره من علوم
كانت (( تشح بصبح ما فيه خيره ))
وإلا, يخليني مثل قلبك ل يوم
أغبر / مثل وجه الليالي الأخيره !؟

[محمدبن عبدالعزيز]

هلا ياصباح نسال الله خيره
اكرمنا بخيره واكفنا شر الهموم
كانت الليالي والايام نيرات سفيره
امسينا امس بخير واصبحنا بخيراليوم
محمد

[بنت النشامه]

ما بين صدق الشعور وخيبة أحلامي
يا وحشة ، غيابك . . وياقلة الحيله

[مجبورة]

هلا بالصاحب الطيب ...

ابد ... لو تبعد قريب ...

هقيت إنك مع الفرقا ... تبي تنسى حنينك لي ...

هقيت انك بعد مليت ...

[محمدبن عبدالعزيز]

تمليت وما مليت في كلام الطيّب
لآني دايم ...حبيب
ولو ابتعد احس اني قريب
البعد مايغير مشاعرنا
لو يطول بنا الزمن ونشيّب
محمد

[مجبورة]

بعيد هناك يالغالي

بعيد وين أنا وياك

أنا وش عاد

وش بيدي

ما غيرأشكي ما غير أبكي

على قلبي على حبي

على ذكراك

[محمدبن عبدالعزيز]

كنا بعيدين ...وكنا وحيدين
كل واحد منا بمكان
نحلم بيوم يجمعنا
نحلم وما فيه شي بيدنا
الشكوى سلوتنا
والاماني رفيقتنا
والاحلام لاتزال احلام
وهي الوحيده الي تجمعنا
محمد

[مجبورة]

إذا عين بكت فرقا .. وعين بدمعها شرقا
عرفت إنا بشر لازم نذوق الحب ونعاني
ابي لفتة نظر منك تشافي روحي الحرقا
تهون سفرتك هذه .. إذا ممكن على شاني
وإذا أنت معزم تسافر .. دخيل عيونك الزرقاء
ابي تنسى تحب غيري وتنسى انك تناساني
لان الوقت يجمعنا وتالي جمعته فرقا
ومثل ماحنا تفارقنا أكيد بنجتمع ثاني

[محمدبن عبدالعزيز]

يجمعنا الوقت ويفرقنا ونبدا نعاني
وكفوفنامن دموع العين تسيل غرقا
كذا حنا بشر... والبشر دوم اناني
لـ فقد شي يحبه ما يطيق الفرقا
جربت انزل عن طبع البشرواتحداني
غصبا علي لقيتنى على طبع البشرارقا
لاتروح خلك مع انسان عيني انسان ثاني
ان غربت معي غرب او شرقت شرقا
كذا حنا بشر نحلم ونتمنى الاماني
وكذا حنا نموت والاماني بعيوننا غرقا
محمد

[مجبورة]

أنت اللقا دام المخاليق فرقا
وأنت النفس وألا أطيب الناس كتمه
يانازل ٍ للزين والكل يرقا
وجنات ظلك جنبها النور عتمه
والحفل عينك والمعازيم غرقا
ولحن الزمن غيرت عزفه ورتمه
خلّ القلوب تموت بالشوق حرقا
والشوف لامن غبت خلّه ليتمه

[محمدبن عبدالعزيز]

هذي وصية محب...؟ والا وصية الفرقا
وانا من الثنتين تصيبني ياصاحبي كتمه
كل مانزل هم... هم جديد على الاكتاف يرقا
وانا في ظل فرقاك عايش بليل وعتمه
واشرب جفاف الوصل والمواعيد غرقا
واطرب لعزف صوتك لولا اختلاف رتمه
يموت الشوق في قلوب اهل الشوق حرقا
لـ صاح اليتيم وبان في عينه حزنه ويتمه
محمد

[مجبورة]

هو ليه؟ كثر الحكي والهرج والقرقا
وانا ادري بحبها وادري تدانيني !
يالله انا طالبك لا طرّت الفرقا
اموت من قبل لاتروح وتخليني !!

[محمدبن عبدالعزيز]

ياكثر هرج الناس الي بلامعنى
ماهمني... لوكلن حكى فيني
دام انا وصويحبي لهرجهم ماسمعنا
يبطون مافرقو بينه وبيني

[مجبورة]

يا سعود فنجالٍ بلا هيل مابيه
وبيتٍ بلا زوار ما فاح ندّه
ياسعود مابه صافي الاّ ويغثيه
هرج الحسود اللي عن العز لدّه
لو قال لك عن صاحبك فيه مافيه
باب الكلام اللي يجي معه سدّه

[محمدبن عبدالعزيز]

هيل وبن وليل وناريكسر سناها برده
وخوة لوصحت باصغرهم جاوبك لبيه
يسولف عن فعول ابوه وعمه وجده
وخاله الى عليه اول عياله مسميه
على الود وهبة الريح كلن يمد يده
ساعة صفى تسوى زمن بايامه ولياليه

محمد

[مجبورة]

هيلت فنجال الكرامه وقهويت
أرقى الصعاب وكيف لا صار سهلا
لا تعتذر ما همني كانك أقفيت
بأستقبل إفراقك بأهلاً وسهلا

[محمدبن عبدالعزيز]

يامرجف بالقول على هونك مهلا
اشهد انك علي اخطيت وتجنيت
ماني من اللي يقفي عن صاحبه ويتخلا
ولاني من اللي يتعذر ولا اخطيت
محمد

[مجبورة]

تخطي وانا اعتبر الخطأ غير مقصود
اهواك مهما طعت فيني عداتي
عذب على كيفك بلا هجر وصدود
ولاجات من صوبك تهون الأساتي
تعذيبك ارحم لي من ايامي السود
اللي على فرقاك تعتم سماتي

[تحت الظل]

يالله على بابك يافتاح الابواب
مافيه غيرك يقصد العبد بابه
ٰ
فـ ان راح رزقٍ حاسبينٍ له حساب
يالله برزقٍ ماحسبنا حسابه !!

[مجبورة]

‎هالقلب لاتحده على أقصاه
‎مالك ومال الهم والضيق !

[محمدبن عبدالعزيز]

قالها واحد قبلك حده الضيق
قالها يوم جابه الهم من اقصاه
محمد

[مجبورة]

هي واقفه الدنيا إلى مني أقفيت؟
محدٍ درى عن ( ضيق صدري عنايا
صديت عنك وأعترف إني أبطيت
من مننا معصوم عنه الخطايا ؟
وأبيك تسمح كاني في يوم أخطيت
بكرة نموت .. وكلنا للمنايا

[محمدبن عبدالعزيز]

المنايا مقدره على جميع البرايا
ولاينفع في صدها... لو اوعسى اوليت
وحنا بشر نخطي وفي الخطا بعض المزايا
انك تسامح وتعتذر الى منك اخطيت
والعذر مقبول مع الود وبيض النوايا
ورجعتك للي توده لامنك اقفيت
محمد

[مجبورة]

تبي العذر مني على ماتوده
تبي اترجى وطلبك لاتخليه
العاشق اللي احرق الدمع خده
يرتاح بالك بالمتاهات ترميه
بذكرك باللي مضى ولا أرده
تخطي علي واقول بالحق لوميه

[محمدبن عبدالعزيز]

هذا الغلا مثل البحر بين جزره ومده
يمتلي بالعشق الى فاضت شواطيه
يزهر على جاله فله وياسمينه و ورده
ويفوح عطره لين تمتلي به محانيه
تبي العذر..؟ هذا العذر جاك وباح سده
واما كفاك اعذريه...عاتبيه بس لاتلوميه
محمد

[مجبورة]

هذا القدر مهما ضحكلك على يوم
لا بد مافي يوم تشكي ذنوبه
وش له اكرر بالحكي وكثرة اللوم
كم واحد(ن) بالحب قبلي غدوبه

[نفسي عزيزة]

" هذا عنوان منزلي الجديد
ساأبعثهٌ لك في رسالة
تعال لنرتشف كوب من القهوة
نٌخب الحٌب الجديد
وفي الصباح حينما يرحل كٌلاً الى بيته
سنتخاصم مِن جديد "

[مجبورة]

دعي اسمي وعنواني وماذا كنت

سنين العمر تخنقها دروب الصمت

وجئت إليك لا أدري لماذا جئت

فخلف الباب أمطار تطاردني

شتاء قاتم الأنفاس يخنقني

وأقدام بلون الليل تسحقني

وليس لدي أحباب

ولا بيت ليؤويني من الطوفان

وجئت إليك تحملني

رياح الشك.. للإيمان

فهل أرتاح بعض الوقت في عينيك

أم أمضي مع الأحزان

[محمدبن عبدالعزيز]

نسيت اسمي وعنواني وماذا كنت
نسيت اني نسيت فماعدت وتذكرت
ايام مرت بنا تسابقنا
نجري خلفها نلهث لندركها
نحاول ان نسبقها
فما سبقتك انا ولم تسبقني انت
جئت اليك بورود كنت اقطفها
فذبلت ورودي
وبعدها قد ذبلت
جئت باحلام الصبا تراودني
فكبرت... ونمت وماحلمت!!
ثم تذكرت....!!
انك انت انا
وان انا.... انت!!

محمد

[مجبورة]

تَذَكّرتُ أَوطَاني عَلى شَاطِىء النّهرِ
فَجَاشَ لهِيبُ الشّوقِ في مَوضعِ السرِّ
وَأرسلتُ دَمعاً قَد جَنَتهُ يَدُ النّوَى
عَلَيّ فَأمسى فيّ مُنتَحِبَ القَطرِ
عَدُوّانِ مُنذُ البَدءِ لكن لِشقوَتي
قَدِ اتّفقَا أن أقضيَ العمرَ بالقَهرِ

[محمدبن عبدالعزيز]

رجعت والاوطان تسال عن غائب قدحضر
اين انت ...اين كنت ...اما اشتقت لـ الليل للسهر
فهاجت الاشواق في الصدر رياح عاتية
فما عاد لذك السؤال جواب منتظر
محمد

[مجبورة]

رجعت وحدي مالقيت إلا غيابات الجميع
وجلست مع نفسي أدوّرني ورى طين الكلام
أركيت ظهري واسترحت وقلت في نفسي ببيع
صوتي لوحدي واختنقت ومت من قلّ الزحام
هذا أنا راجع من المستقبل المُر الفظيع
طفل ٍعلى وجهه تقاسيم البراءة والغرام

[محمدبن عبدالعزيز]

من يوم غبت وانا تايه في الزحام
اتلمس طريق العوده خايف لااضيع
حنى حروفي ماعادت تطيق الكلام
سادها صمت الغياب وعيّت لا تطيع
انام واصحى وارجع من جديد انام
ماشبهني في حالتي كود طفل رضيع
محمد

[مجبورة]

عسى الله لايعافيني اذا من هرجك انغثيت
أشوف ان السكوت ارحم لاني خابر سواتي
ومدامه ( صح ) كل اللي تقوله ، فانت مازليت
واذا زليت هالمره ! نسيت شكثر زلاتي
نسيت انك تنسّيني الزعل كله الامن جيت
مجرد ضحكة عيونك بنظره تجمع شتاتي

[محمدبن عبدالعزيز]

يالله انك تعافي من يسامح كل زلاتي
وتسامحني لامني بحقه غلطت واخطيت
بعض قلوب البشر صافيه كانها المراياتي
تشوف فيه نفسك لامنك بنفسك تمليت
محمد

[مجبورة]

تعبت وربي الخالق متى تهدي
لقلب من رشا ظلمك غدالك بير.
تشوف الفرق

تشوف الورق لاناحت

على غصنك

تشوف شموع

لا ساحت على جفنك

تشوف الفرق

[تحت الظل]

" هذا عنوان منزلي الجديد
ساأبعثهٌ لك في رسالة
تعال لنرتشف كوب من القهوة
نٌخب الحٌب الجديد
وفي الصباح حينما يرحل كٌلاً الى بيته
سنتخاصم مِن جديد "


الحين هذا شعر مترجم والا العربان صاروا يكتبون شعر مدبلج

تغيرتوا علي صايرين فصحى وحركات ..

[تحت الظل]

قبل لاتبدي الخطيئه وتبني لذنوبك جسور
خاف من ربّك وفكّر في وعد يوم الحشر
مهما كنت إنسان راقي وتعشق انواع البخور
التراب اللي يضمّك بعد موتك والقبر !
ياما قالوا النّاس خايف وقلت مافيني قصور
بس شفت ان الشجاعه معنى ثاني للخطر
إيه خاف وكون سالم دام هالدنيا بحور
والبحر مهما وفالك طبعه غدّار البحر!
وللشجر ان شفت هامه هذا من طيب الجذور
عني اعمالك جذورك هذي هي بالمختصـر

[محمدبن عبدالعزيز]

رحمة الله واسعه واعمالنا بها قصور
يالله انك تغفر الذنب والخطا والزله
يارحمن يارحيم ياكريم وياغفور
ياشافي اشفي كل معلول من كل عله
محمد

[مجبورة]

هي لهم كل الأماكن لا غدا قدري مكان
التعب لأرقابهم لا صرت بالصف الأخير
وإن ضحك وجه البنفسج وأستمال الخيزران
في ثنايا الجرح جرح ومابقا إلا الكثير
طال عمرك ؟؟ يالليالي مانبي غير الامان
في نهار ٍ لو رضينا مارضى باللي يصير

[محمدبن عبدالعزيز]

رقيت على قمة المجد ولا انا بالامير
وبنيت لي صرح وماكان عندي صولجان
وفرشت بساط الفخر وما ملكت الاحصير
وحكمت بالطيب ربعي وماكنت سلطان
ان كنت انا الاول او كنت انا الاخير
ابقى انا الشرف الي يشرف ذك المكان
محمد

[مجبورة]

نسيم (( فجر )) من عطره الناس طرابه

عايش على مبداي

عيشت عصر لازيف لاتجداى

وانجيت للمجالس للعلل وازاي

مانى امنللى للخبر هذرابه

وعفيف نفس ماعمره انساق هواي

ورا كل من ساقه هواه وجابه

[محمدبن عبدالعزيز]

هب النسيم اللي من العام ماهب
وانا من العام اتحرى هبوبه
يـمـكـن لـيـنـه هـــب بـالـوقـت الاشــهــب
يجـيـب لـــي ذكـــرى السـنـيـن الـطـروبـه
ذكــرى لـهــا قـلـبـي مـــع الـلـيـل يـذهــب
يـســرى بـهــا بالـلـيـل عـشـريــن نــوبــه

[مجبورة]

هبت على شاطئ الحرمان نفحة حنان
ياليتها رايعت .. لين افهم أسرارها
وقفت محتار كني داخل في رهان
مجبور في سلعة ما بانت أسعارها
مدري توريت .. والا عشت لحظة امان
والا ان نفس الظروف تكرر ادوارها

[تحت الظل]

احرص على الكلمة والمنطق الزين
اكسب رضا نفسك ولاتجرح النـاس
بعض الكلام أثقل من الهم والدين
يقطع غصون الود والغصن حساس

[محمدبن عبدالعزيز]

سمعنا واطعنا... والناس للناس
وكسب الرضا للنفس كسب ثمين
يالله انك تجنبنا السوء والباس
وتدلنا على الحق يا الحق المبين
محمد

[مجبورة]

نزعل ونغضب وان زعلنا نوينا
كن الهدب والعين نار وبارود
نرضى نموت ومدنا في يدينا
ولانعيش بمجد ضايع ومفقود
نعم خضعنا روسنا وانحنينا
لله ولا غيره مع الناس معبود

[نفسي عزيزة]

دّور على شيءً تسعد به الناس
. و أترك طريق الخير مفتوح بابه

أما تحصل كلمةٍ ترفع الراس
. و إلا تحصل دعوةٍ مستجابة

[محمدبن عبدالعزيز]

هذي كلمة حق...لاترفع الراس على الناس
تري كلنا في خلق ربي متساوين وان تشابه
وكل منا له شعور وكل منا له راي واحساس
والكمال لله والخطا وارد والعفوعز ومهابه

[مجبورة]

هاللحين ياخيبتي عشره على عشره
هاللحين يانفس لوميني ولوميني
عشته وشفته ياصعبه وياقشره
مافيه شيٍّ قدر حتى يسليني
وش اخر الصبر يانفسن نفذ صبره
ثنيتها والزمن لابد يثنيني

[محمدبن عبدالعزيز]

ياخيبتي بمن خان بي العشره
دوم فكري معه واثره ناسيني
كلما جيته ستر عني نفسه بستره
واقول مدري وشفيه مدري وش فيني
خابره وهوخابر عندي وشكثر قدره
محتار ومادري وش الي بينه وبيني
محمد

[مجبورة]

يا نهاية هالبدايه مسهلك
ابتديتك صعب وبالسهل أنتهيك
رح نسيتك وان لفيتك بسألك
بس ما والله تفرح بي واجيك

[محمدبن عبدالعزيز]

كنت دايم اذكرك واجيك عشان اسالك
مادري وشلون اذكرك وماكنت ناسيك
هـ المره بحط يدي عل خدى واتخيلك
واسال نفسي... اجيك ... ما اجيك...اجيك...
ياما اكرمني لك وانت لي ياما ابخلك
عشان تسال عني... تبيني ارتجيك
محمد

[مجبورة]

كنت اول اجمل؟ وانت كنت اجمل آول
أول والأول زين في كل حاجه

[محمدبن عبدالعزيز]

هذك اول والاول دايم يتحول
والوقت دوم مايخلي انعواجه
محمد

[مجبورة]

هنا ضِعْتِي:وِضِعْت وجرّحّتْ عيني كفوف اعداي
هنا ماعاد ينفع مع زماني شَدَّة احزامي

[محمدبن عبدالعزيز]

يامحزمي تكفى لاترتخي شد ازري على عضاي
ياكثر ماشديت على ازرك يامحزم احلامي
محمد

[مجبورة]

يشره على الرجال محزم سلاحه
لاصار مايحسب له الفين مره
وانا سمعت وشفت للنفس راحه
قرب من الله ولجنابي مبره
والهرجه اللي ماعليها فصاحه
اطعم بها فالقلب صبره ومره

[زارع الورد]

هلا بالَّلي لهـا الخافـق يهلَّـي

من الفرحه وروحي بـه تهلـي

إلى شفته ولو في النَّفـس ضيقـه

تفرَّج كـلِّ همَّـي وأضمحـلِّ


عبدالله الفيصل

[مجبورة]

لي بالغلا حالةٍ ترثى.. وفي حالي دواليل
وأتلا هزايع غلاها .. عبرتي يوم ألتهمها
احبها حب من خاشر من الحب المهابيل
واقصر سهم عيني من النوم واوفي سهمها
انشهد انها قصتني .. والعزا ماهوب بالحيل
ويلي على قربها لو سرحتني في غنمها

[محمدبن عبدالعزيز]

اجل وشلون لو تدري كيف اسهر الليل
هي تنام وفي رمش عيني يرعى بهمها
اخايلها على البعد كانها نجمة سهيل
وهي من عالي سماها ترميني بسهمها
و الفجر اشب ضو الغلا واصف الماعاميل
واحمس لها من القصايد مايقند نهمها
محمد

[مجبورة]

أحس بحنيني بالحنايا ذود
وأحس ‘نتظاري زاد بطعوني
وأحس الفرح في داخلي موءود
وأحس الحزن ناسٍ يعذلوني
وأحس التّعب فيني بدون حدود
وأحس الشّعر ماجاب مكنوني
وجيتك .. عسى ذيك الهموم تهود
أبرتاح لاتسألني شلوني

[محمدبن عبدالعزيز]

ياحنيني الي براني برية العود...والعود
لشفت حالي بعيني انهارت اركوني
امشي ولا كني مع الناس موجود
واخايل خيالا مدري هو انا والاهي ظعوني
امسي والليالي بعيني مجاهيم سود
والشمس في كبد السما تشوي طعوني
محمد

[نفسي عزيزة]

يا كثر ما تطري علي واتصدد
واطلع الجوال والصدر مكبوت
ٰ
اجي بدق الرقم بس اتردد
اخاف لاكلمت تستنكر الصوت

[محمدبن عبدالعزيز]

تكلم... ولوا ماجاك مني الرد
بعض الصمت يغني عن الصوت
والله اني مااحب الصد ولا اتعمد
بس الظروف تخلي الصوت مكبوت

محمد

[مجبورة]

تكلم وأكسر جدار السكوت وخلنا ننشاف
تكلم وانت وجهي في عيون الناس وأوصافي
تكلم لا يردك سجن وزن ولا يحدك قاف
ولاتخشى من بحور الخليل ومعك مجدافي

[تحت الظل]

ياربّ كم من مهجةٍ
باتتْ تُؤمّلُ في عطائكْ

تدعوكَ ضارعةً إليكَ
وليسَ تسأمُ من دعائكْ

فامننْ على السارينَ نحوكَ
ظامئينَ إلى ضيائكْ

[مجبورة]

كم هاجس يطري واعافه واصده
يطلب قصيد الحب والوجد والشوق
مرة يفاوضني بجزره ومده
وأحيان يجمع غيم ورعود وبروق
ازرى يحاولني يجيني وارده
وازريت ما فجر باحاسيسي عروق

[محمدبن عبدالعزيز]

قلبي يهوجس والهواجيس تحده
يسوقنه صوب مواريد الهم سوق
مثل البحر في جزره وفي مده
مر ينزل اسفل الصدرومره بالراس فوق
كتبت القصايد احسب انهاعني تصده
جات الفصايد معه عوق على عوق
محمد

[مجبورة]

قم لا عدمتك لا يهمونك ترى حسادتك
في كل بيت يمر في وصفك يحسون بمرار
و أنت الفريد بصحبتك و بطيبتك و عبادتك
و بكل شيء و غيبتك معنى حقيقي للدمار
أموت فيك و في غلاك و في دلعك و عادتك
و أرجع و أقول أني غلطت و جيت أبهديك أعتذار

[محمدبن عبدالعزيز]

رعاك الله دايم هذي عادتك
تذبح الغلطات بسيف الاعتذار
يسعدني الى علت وجهك بسمتك
واحس واني معك شي صار وشي ماصار
يعني انا وانت وطيبتي وطيبتك
طيرين...ماحواهم الا الفضا وغصون الاشحار
محمد

[مجبورة]

رضيت بحزني الأول

ولا بيهمني التالي

خُلقت انسانْ

عطاني ربي الوهَّاب من نعماته النسيانْ ..!

وهذا آنا

أبي أنسى متى أنسى ..!!

وأبي في أمر ها النسيان ما أفكِّرْ

وأبي لوقلت أبي أنساك ما اقرر

[محمدبن عبدالعزيز]

رميت همي الاول
وهزمت همي الثاني
وقبلها هموم مرت بي ولاهزمتني
الله عانني على وقتي وزماني
والسنين الماضيه درستني وعلمتني
محمد

[مجبورة]

يعلمني زماني ،، واتعض من عادة الأيام
ليا ضاقت دروبي والسعه للناس معموره
سبيل الغادي التايه .. ومركاضٍ ورى الأحلام
وعشاق الضياع ضعوف... منهيه وماموره

[تحت الظل]

هكذا الدنيا تُرينا حزنها
مَنْ مِن الناس تخطاه الحرج !؟

لاتقل ضاقت ولكن قل غداً
سوف يأتي منك يارب الفرج ..

[محمدبن عبدالعزيز]

جربت الدعاء في كل نائبة
فلم ارى بعد الدعاء الا الفرج
ان ضاقت بك الايام ولابد ضائقة
فاسأل من ليس في سؤاله حرج
محمد

[مجبورة]

جربت واثر الهوى ما هوب للجربه
والناس ما تقنع الا من تجاربها
ارعى هوى صاحبي واسير في دربه
وارخص له الكايده لو عز مطلبها

[محمدبن عبدالعزيز]

الهوى ماهو سلوى... ولاهو لعبه
والناس تغرق في بحره مراكبها
لاتبحر في بحر الهوى وتسحبك الغبه
وتروح مراح مقيط يومه ماحسبها
محمد

[بنت النشامه]

‏اشتاق وادري منت راجع لو اشتاق
‏بس العوض ... بالذكريات الجميله !

[مجبورة]

هو صحيح ان الهوى ماله دوى
خبر اللي جاك عاني يستشير

[محمدبن عبدالعزيز]

رح انشد الي بنار الهوى انكوى
وتعال خبرني وش قال الخبير
محمد

[مجبورة]

رد لي قلبٍ أخذته ونذكركم بخير
لاتجي قصّة مقيط وعلى دربه رشاه

[محمدبن عبدالعزيز]

هذا القلب ماكنه الا طير يطير
لولا قفص صدري كنا قد فقدناه
محمد

[مجبورة]

هالقلب طير ٍ يرفرف مابعد حامي
محابل الخوف في صحراي صادنّه
أبنسل الخوف وأشعل جرحي الدامي
أقسم بربي لأوردهن ويرونّه

[محمدبن عبدالعزيز]

هذا قلب له عدة اعوام ظامي
وكم سحايب مرن به ولا رونّه
يشوف الما غدير والقاع مترامي
وذا قرب على ورده خاب ظنه
محمد

[نفسي عزيزة]

هذا انت ما خليت قلبي في حاله
كل ما نساك اتصحّي الجرح وتروح

أرسلت لي بعد إنقطاعك رساله
و رسالتك كانت على هيئة جروح !
ㅤ

[مجبورة]

حب جديد .. وقصيدة عشق مجنونه
الله يحييك ياحب لفا توه
حب لكله .. وحبٍ بس لعيونه
حبين باقصي خفوقي بس له هوه
ايه انصتي ياشجون الروح ممنونه
جاني رقيق المشاعر ناوي الخوه

[محمدبن عبدالعزيز]

هذا القلب ...كان الله في عونه
مرت سنه ماشب بالهوى ضوّه
من اول لاهبت الاشواق هزت ركونه
وغنت عصافير الفرح على مطرنوّه
قلب خضر للحين ماغير الوقت لونه
يجر موال القصايد لـ صفى جوّه
محمد

[مجبورة]

هو غبا مني تسيرني شجوني
او غبا اتبع خفوقي في ميوله
اوغبا صديت عن ناسٍ نهوني
ثم ضربت الكون في عرضه وطوله
وانصحوني ..وانصحوني.. وانصحوني
لا تجي خطوات رجلينك عجوله

[محمدبن عبدالعزيز]

هاجت شجون القلب ودمعت عيوني
وسيلت وادي القصيد ورويت الاشعار
ماهمني من لامني والا همني الي عذلوني
كلهم في صف وانا مع الي القلب مختار
نصحوني ناس وياكثرهم الي انصحوني
لاتبني البيت على البيت ثم ينهار
محمد

[مجبورة]

رفرفت يابنت قلبي لاجل دمعاتك يمامه
طارت لعين حزينه بالاغاني والنشيد
ماابغي أقرأ في عيونك انكسارات الندامه
طرفك الله خالقه يملي عليه بالقصيد
مارميتي اذا رميتي طرفك البارع سهامه
خلت الخافق غنيمه وخلت عروقي عبيد

[محمدبن عبدالعزيز]

دربك خضر ياقلب وطريقك سلامه
دامك بقلوب الاحباب ياقلب دم الوريد
ماودي اقرا في عيون اهل الملامه ملامه
ولا ودي اقرا بعيون الاحباب الا الجديد
من يوم غنت على غصون صدري حمامه
وانا ابني لها عش من المشاعر والقصيد
محمد

[مجبورة]

دام الصدر يا حضرة الضيق ما ضاق
والله لتبطي ما تزلزل كياني
ودام الليالي قلبها ينبض اشواق
خله يموت الهم بين المحاني
ليه اتضايق كل ما لاح براق
دام الزمان اللي اعيشه زماني

[محمدبن عبدالعزيز]

ياحضرة الضيق ماضقت انا مع من ضاق
وانا موسع صدور ربعي وخلاني
ياضيق والله اني لـ اسقيك ترياق
يمسح سمومك من صدري وزماني
وادعي عليك عند حزات الاشراق
يبعدك ربي عن عوج المحاني
محمد

[مجبورة]

يافارج الكربة بضيق الحوالي
أومر لعبدك بالفرج وتعجيله
وإجل الأمور المعضله والجلالي
عني وكل عبد مسلمٍ يندعي له
وصلاة ربي عد رمل السهالي
على نبي وضح الله دليله

[محمدبن عبدالعزيز]

هونها تهون ويفرجها الي بالسما عالي
ماخاب عبد رفع له يديه ويردها ذليله

[مجبورة]

هنا ضاعت متاهاتي هنا عيون ٍ جفاها نعاس
هنا خلّى اثر اخر بقايا طعنته حربه
عرفت ان الحقايق تايه ما للحقيقه ساس
معايير اختلافاته وهم من شرقه لغربه

[محمدبن عبدالعزيز]

هذا السهر طول ولازار جفني نعاس
حارب النوم عيني وانا شاركت فـ حربه
ياوحشة لفة الليل من قلة الناس
مسند خدي على كفي والكل سرى دربه
محمد

[نفسي عزيزة]

هَـم الغياب و وحشة الليل الطويل
والذكريات اللي خذت شكل الوجع !

تبيني أفرح في رجوعك ؟ مستحـيل
رجعت لي لكن شعـوري مـا رجـع !

[محمدبن عبدالعزيز]

عاد هم الغياب واستوحش السهر والليل
وعاثت الذكرى بخاطر ضاق وما اتسع
وغاب الفرح وماعاد للرجعه دليل
وعلى وسع هـ الدنيا ماكن فيها وسع
محمد

[مجبورة]

عوَّدتني أسهر ليال بحراويك
وعلّمتني فن السهر والإراده
عوّدتني إن غاب صوتك أناجيك
وعلّمتني كثر الصبر والجلاده

[محمدبن عبدالعزيز]

هدالسهرحيل غاليك ...ومغليك
وصار السهرله طول الليل عاده
يكتب القصايد في معاناته وتجي فيك
ماغيرك اللي يشب القصيد ويقدح زناده
محمد

[مجبورة]

هدمت الشعر كله في ثواني**** وكم جسر انهدم قبل اكتماله
فكم ليله بها الهاجس ضواني**** والهمني قصيدي وارتجاله
وفي بحره محطات ومواني**** عبرت بها الى شاطي رماله
طواني الوقت يا روحي طواني**** طواني مثلما تطوا حباله

[محمدبن عبدالعزيز]

هدمت بيت القصيد وعطلت السواني
والمطر هـ السنه شح غيمه بهماله
واستوت على القاع سفينة الاماني
واختلط بعيني جديد الوقت وسماله
محمد

[مجبورة]

هز المطر .. ذكرى حنيني و..هزيت

شي فقلبي ثار .. بين الحنايا

[محمدبن عبدالعزيز]

الشعور الي داعب حنيني وفزيت
وباحت حنايا الصدر بكل الخفايا
ماعاد لي على الكتمان لوعنك اخفيت
ولا عادبه من بقايا الصبر اية بقايا
محمد

[مجبورة]

الصبر من غير مانرضاه ياصعب ابتلاعه
يقهر الرجال ولا يظهر الدمعه بعينه
من يقول الصبر مفتاح الفرج ماقلت اشاعه
غير انا قدلي سنه ماشفت منه الا غبينه
المهم باب الحزن صكه بمفتاح القناعه
خل ذكراه الحزينه في ساعدتنا رهينه

[محمدبن عبدالعزيز]

هذا المهم لسكرت باب الحزن وضيقت اتساعه
والصبر مفتاح الفرج... ولو طالت سنينه
شوف ايوب يوم الضر مسه والحزن لاعه
مالغير ربه شكى ودعا ورفع له يدينه
محمد

[مجبورة]

هو كذا جرحي ولو شفته تزمّر
مايهدّي روعته طيفٍ يخافه!!
يتساقط في شعوري ويتثمّر
في عيوني نرجسٍ يروي عفافه
أتوارى في طيوفه وأتغمّر
وأتنفّس نزوته لحظة خرافة

[محمدبن عبدالعزيز]

هكذا هو جرحي ...لكني ما اتذمر
استر الجرح واتعامل معاه بحرافه
وعالجه بالدعا كل ماعاد اوتكرر
واسليه بالشعر ولوكان المعنى خرافه
ولو زاد الجرح ابد والله ما اتكدر
مادام لي رب... غيره مااخافه
محمد

[مجبورة]

هلا .. بالحب .. واعياده

وكل عامٍ .. وجرحي بخير

مشيت دروبنا .. خطاوي قلوبنا

ومريت الوعد .. وعدنا العام

ماكان الوعد .. ولا الأيام .. هي الايام

[محمدبن عبدالعزيز]

مرت سنه والغلا دوم بزياده
مانقص غلاك وكل عام وانت بخير
وكل عام نردد سوالفنا
وننسى الامنا ومواجعنا
ونجدد بالغلا محبتنا .. وكل عام
مع الايام والاحلام نبقى بسلام
محمد

[مجبورة]

مرت سنه والسنين تمرّ مرّ السحاب
شف كم سحابه تمرّ وماتهلّ المطر
ياغيث وينك وانا بين الظما والسراب؟
استجدي الغيمه اللي قلبها من حجر

[محمدبن عبدالعزيز]

راح العمر وامتلا سجل الغياب
كم سطر ختمنا وكم جددنا سطر
نشره على الايام ونملى الدنيا عتاب
وكم دمعة خرت يوم شح المطر
محمد

[مجبورة]

راح العمر والمعنى طالت دروبه
ما بين شوق السحاب ووحشة الوادي
شكيت من ليلي اللي ضايقه ثوبه
من جرحي اللي بكى جرحي من عنادي

[محمدبن عبدالعزيز]

ياعطــري الفواح لـ هبت النــــود
يامسك ختام عمري ياطهـــارة ذنـــوبه
يانظر عيني لـ لد النظر بلا حدود
ياربيع كســـاه ربي فـايح طيــــــــو بــه
ياجمل من مشى الخطوات بركود
يامن زهى بالحلا ملبوســه وثــو بـــــــه
يامهـرة رســـنها بالقلب معقـــــود
تلعب وانا عيني لها بالشوف مطـــروبـه
كريمة بالوصل مالوصلهـــا حدود
وانا الي لها بالعشـــق ماتبخل جيــــــوبه
محمد
(ارشيفيه)

[مجبورة]

هلا شفت المسافه صمت تاقف دوني ودونك
سرقت من الوجيه الهرج وصوتي ما وصل بابك
تظلل بالهدب عنهم حبيبي لا يشوفونك
فرح فيك الخفوق اللي فرح لو قال وش جابك

[محمدبن عبدالعزيز]

كم لي وانا اسال عنك واقول وشلونك
واسرق هرج الاقراب منك واترصد على بابك
واخاف حسادي وحسادك يشوفونك
واخاف من كلمتك... لـ قلتلي وش جابك؟؟
محمد

[مجبورة]

كلمتي وحده ولا فيها نظر

ما تراجع حتى لو قلتي بخيل

[تحت الظل]

ليتهم : يوم انّ دمعي : طاح / طاحوا
بسّ لو قلبي : رضا .. (عيّت عيوني)

غافلوا قلبي .. مسا الفرقا ، وراحوا
كل شيّ : أخذوه لكن .. ماخذوني

[محمدبن عبدالعزيز]

ياليتهم يوم دمعت عيني مع الدمع طاحوا
وياليتهم بالاصل ماسكنو قلبي ولا عيني
كل ماعسعس الليل تذكرتهم يوم راحوا
ولوحوا بيديهم ...وعجزت لهم تلوح يديني
محمد

[مجبورة]

ياليت خلي درى بالعين وبكاها

حتى ليا قلت مرضانه يداويها

[محمدبن عبدالعزيز]

الدوا عند خلي لـ شكت عيني عناها
شوفته تجلي علة العين وتبريها
محمد

[مجبورة]

انعست عين الغلا والهوى هدا
خانت الايام والملح والعشره
وابتديت تشوف نفسك وتتحدا
وأنت ماكنت تتغلى ولا تشره
كنت مجروحي وصرت الدوا والدا
كنت آآه صرت آآهات منتشره

[محمدبن عبدالعزيز]

هدهت ليل الغلا لين الشوق عدا
ونامت عيون وبالخواطر كسره
وانتثر ملح العين مبدي كل سدا
وانهار سد الظلوع وانكشف ستره
ماطاب جرح والا وجرح استجدا
ماهانت على النفس وجروحها العشره
محمد

[مجبورة]

هانت على العين غفوتها قبل تنتمي
قلت أبشري بالسَهر ، هي خاربه خاربه
في ساعةٍ ما بها من يقتحم عالمي
لجَّة دجى تجعل الأخبار متضاربه

[محمدبن عبدالعزيز]

هجمة مرتده وفي الراس ضاربه
دمعت منها العين وقلت ياعين تعلمي
ماكل ضربة تجي دايما سالبه
بعض المواجع منها الراي يعتمي
محمد

[مجبورة]

ياعين لاتبكين ترا البكا عيب
حتى ولو صكات بقعاء قويه
ويارجل لو جبارتك للعراقيب
ابداية المشراف حقك عليه
لابد ماتجبر اكسورك وأنا أطيب
بإذن الله الرحمن رب البريه

[محمدبن عبدالعزيز]

هبت شمال وشاب الجو بشهيب
وحرك الدمع بالعين الشقيه
ياعين لاتبكين ولو البكا ماهوب عيب
ياعين خلك على ذرف المدامع عصيه
صدي لبان للدمع بالقلب ترحيب
اجرك على الله وشرهتك عليه
محمد

[مجبورة]

هيه ياللي غرك الوجد واغراك المزيد
شرهة جمال المحامل على جمالها
اضرب سمان المعاريف بيد من حديد
والثقة يبس شجرها وهد جبالها
واعزف أوتار المناقيد واطرب من جديد
غن للشرهة ومول على موالها

[محمدبن عبدالعزيز]

انالاني مغرور... ولاني بعنيد
شلت حمول ماحد غيري شالها
اعاني من الوجد وصبري حديد
واضرب على الكايده واسعى لها
والثقه بالنفس من فضل ربي تزيد
كل مامالت الدنيا وثقلت احمالها
محمد

[مجبورة]

الرجال الى أمس تقديرها بأفعالها
ووقتك الحالي تقدرحسب كثرالرصيد
والحمول الكايده خابرين جمالها
يدي شرهه ما تعنز على خضرالجريد
ولايلوق لكل أصيله مثل خيالها
كم صبي ٍ يأكل تراب بالعلم الوكيد

[محمدبن عبدالعزيز]

دانت الدنيا لهم وانهضو باحمالها
يوم العزوم عزوم والراي السديد
والرجال تعرف بالفعل ماهو باموالها
ماهم ان زاد اوقل في البنك الرصيد
الرصيد في النفوس الشوامخ بافعالها
ولكل زمان له مع هل الهمه عضيد
محمد

[مجبورة]

دامه كلام الكل يقدر يقوله
خلّه كلام ولا تماري به النود
النود خيره كم لقّح سحابه
الله ذكرها معجزه في كتابه
والشعر كذب فيه صدق يتشابه
وما كل من يطرق معانيه محسود

[محمدبن عبدالعزيز]

دارت الايام ومرت عجوله
والحول ماامداه يمضي الا دارحوله
والليل طول على المهموم... ياطوله
والناس في هذا مابين شقي وسعيد
في سالف العصر وذك الزمان
كانوا الناس اهل واحباب وخلان
وراح الزمان وصار في خبركان
ولا صرنا مثلهم ولاخذنا منهم مايفيد
محمد

[مجبورة]

دق الوترعباس هات المزن عبود
مادامت الدنيا تمضي مثل غيمه
طال المطرهايت وانا اكتفيت رعود
الحره مجبوره والنشمي له بينه

[محمدبن عبدالعزيز]

هات القلم والورق وشب ازرق العود
ترى في صدري من القصايد اليوم ديمه
كل ما عبيت الورق قال الورق تبي زود ؟؟؟
وكل ماجف الحبر هلت من سما الروح غيمه
محمد

[مجبورة]

هات ليلك..
ودِّي أجمع ما تيسر من نجومك..
لجل بكره...!! خوف تخْفِيها..غيومك..
وآنا ساهر
ماقهرت الا عيوني..
ما نهرت الا جفوني..
دون ما أرمش..
قال أرمش..
منهو أصلاً.. قال ابرمش..

[تحت الظل]

شمسٍ عليها شمس
و جمره على جمره
أرضٍ مثل جـرّه
مليـانة الرّمل
و قلُوب مصفَرّه
تكسرها كلّ خطوَه
تكسرها كلّ لَفتـه
هذا الزّمـان غْبـار
بَهْ لحظتين أمطـار

مُوت العطَش مرّات
ومُوت .. الغرق مرّه

[مجبورة]

هي الدنيا كذا لا جيت ارتّب للكرى جفني

تكاثر غفوتي حتى تصير ابعد من احلامي

[محمدبن عبدالعزيز]

ياسارق الكرى من جفني نعال شفني
من عقب الكرى ماعادت تراودني احلامي
حتى المشاعر عقب ذيك الموده جفتني
تساوت بعين السهر سود الليالي و الايامي
محمد

[مجبورة]

يقولون لاضاقت عليك الوسيعة غن
وانا اقول شفت مقرد الخلق وش قالت
انا البارحة من يوم غابت الين اذن
تحلوى عيوني للكرى مير ما احتالت

[محمدبن عبدالعزيز]

توسدت زندي يوم الجفن للنوم حن
بس النوم للعين ماحن... يوم سالت
هواجس من كل حدب وصوب جن
ماراعوا حرمت الوقت يوم انها انهالت
محمد

[مجبورة]

تهل من الوله مزنة على وجه الظما نسناس
تزيل ابها ملامح ضيم خطت طاري اهلاكي
هلا يا شعري انثر لي حروفك مثل عقد ألماس
نثر حباته ابصفحة رجاي وقال لي هاكي
وانا لولا الهوى ما جيت اكتب واملي القرطاس
احاسيسي تحرضني غصب اني به أحاكي

[محمدبن عبدالعزيز]

يانسمة مرت خففت من وهج الانفاس
على وجه من العطش شاحب باكي
لولا الدمع يسقيه غدت عروقه يباس
الوجد يشكيه وهو من الوله شاكي
محمد

[مجبورة]

يتيم الجرح ..
إيه أحزنْ
ووش يبقى لامات الجرحْ
وش يبقى لمات الليل ماصلى عليه الصبحْ ..؟!
أبسأل كل من يحزنْ
ومن يبكي
متى يشكي
متى يحكي ..

[محمدبن عبدالعزيز]

يحكي متى مابدا يشكي
ومن يشكي يسال
كل من يحزن
وش فيه ما اذن الصبح
الليل طول... والجرح
والجرح الاول
جا معه جرح
ماعادهو بتيم
ولا عاد هوسليم
ينزف كل ماروح الليل
وقرب الصبح
محمد

[مجبورة]

حبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب

[محمدبن عبدالعزيز]

بصبر لامن غديتي بي في متاهات ومعمعه
وبصبر لامن غدا وصلك وهم وسراب
مانتي باول صوت غاب وماعدت اسمعه
ولاانتي باخر قطرة فارقت جوف السحاب
محمد

[مجبورة]

بس اعدّ ايام هجرك واضيّع بالحسا ب
والزمن في سوق الاوجاع بي باع وشرا
صرت مثل الظامي اللي طرد وجه السراب
لا فَرَحْ في قطرة الما،وَلاَ حَصَّلْ ذرا

[محمدبن عبدالعزيز]

السراب الي خدع عين الضما...وذاب
مارحم جدبها ولا عن عطشها درا
نامت تحت وهج الشمس لاظل ولاحجاب
تحلم بقطرة ماي او حتى.... ذرا
محمد

[مجبورة]

أمشي وهمي جبل يمشي معي وين ما أروح
أزريت أشيل الجبل وأزريت لا أفارقه
كل الخطاوي تعب كل الليالي جروح
أرضي هجير وسمايه شمسها حارقه

[محمدبن عبدالعزيز]

هذا انت دايم تكتم الهم ولا تبوح
شايل همك واقدامك بالتعب غارقه
مثل جراح يبري الجرح بجروح
والا كاوي الجرح بنار حارقه
محمد

[مجبورة]

هذا انت والا حمرت الشمس واليم
ريح المطر ولا نسايم حنينك
يومك ضحكت وبش باوجانك الدم
قبل الغياب وكلهم حاسدينك
كن النهار اللي رسم للشفق فم
ضحكه ثغرك اللي سماها جبينك

[محمدبن عبدالعزيز]

كأنك تشوف بعيني قبل اتكلم
واشوفك بعيني واعجزلااستبينك
كنك خيال زارني وسط حلم
فزيت من حلمي ولا لقيتني بعينك
محمد

[مجبورة]

كأنك طوع شيطانك تعوَّذ لجل تتعَلَّق

كأني عالق فذنبي ولا أعتقني شيطانك

[محمدبن عبدالعزيز]

كم لي وانا اقول تعوذ وادحر شيطانك
اخاف من بكره في هوى غيري تعلق

[مجبورة]

قلت العمر,, قال العمر جعله فداك
العمر يفنى والمواصل يبتديه
قلت الوصل؟ قال الوصل هو مبتداك
واليا قطعته ضاع شيٍ ترتجيه
قلت الرجاء؟ قال الرجاء والله بلاك
ساعة رجاء والصبر قلبك يشتويه
قلت الصبر؟ قال الصبر يالله حماك
نبذة عذاب القلب مايقدر عليه
قلت انت.. قال انا بشر يتبع نداك

[محمدبن عبدالعزيز]

كل ماقلت وينك...يامبعد عنا خطاك
الى راح العمر ماعاد به شي نرجيه
قال الظروف قلت الظروف طوع يمناك
خابرك لابغيت شي تقدر تسويه
قال المعذره قلت ياما وياما عذرناك
تخطي ونسامح وتعود للخطا وتخطيه
محمد

[مجبورة]

هنا تجاعيد السهر تشتهي ماه
وهناك صبري من عزومي منحته
ليته خذا التحنان والطيف ويّاه
وكومة احاسيسٍ" (وجرحين تحته)
وينك عروق الشوق لجت بالافواه
شووف الهدوء ف غيبتك ماسترحته

[محمدبن عبدالعزيز]

هذا السهر طول والبدر في سماه
لاهو وصلني ولا ني وصلته
كل في جوه عايش بابعد مداه
اشوفه بعيني ولابيدي قد لمسته
محمد

[مجبورة]

هذا اول الدرب او هذا الطريق اولك
جيت آتوقّا عذابات المدى 00واهتديك
شوقي مسافة وهمساتك مدار وفلك
ان ماظميتك غلى 00ياعلني ماارتويك

[محمدبن عبدالعزيز]

كني اعرفك واحيان كني اجهلك
محتار مابينك وبينك ومادري شفيني فيك
مرات اتجاهلك ومرات ودي اسالك
واما سالتك ياعلني ماعاد اهتديك
محمد

[مجبورة]

كني امشي من وراي الريح ويدين الملامه
وكن نفس الريح تسبقني لشوفة..من دعاني
وبين ذي وذيك..ولساني يرتب في كلامه
حافظ الترتيب...لكنّي معاد القى لساني

[محمدبن عبدالعزيز]

ياقطرة طفل مع قطرة شعر وشوي صرتوا امطار
متى هذا الورق من طيشك الفاتن لعقلي مل!
واذا صدرك سما..والغيم معطف..والهلال زرار
متى كان الهلال يزرر الدنيا ويبرد غل ؟!
نايف عوض

[مجبورة]

لين شفت سنين عمري خرابٍ في خراب
وللمواجع في خفوقي خطيب ومنبرا
وأمْحَلت قاعي من الجدب وعيونك سحاب
عَلِمِيَها تَرْحَم الْبِيْدّ،وِتْبِلّ الثرا
وعلميها تسقي الروح وينولك ثواب
لاتِقَوْلي رَوَّح المِزِنْ والبارق سرا

[محمدبن عبدالعزيز]

الضيقه الي كل ماافقت ترجع ورا
وانا معاها رفقه حبايب واصحاب
مخفيها عن الخلق وماحد عنها دراى
صابر وارجي من الخلاق اجر وثواب
للمواجع فيني مقام... ظل وذرا
تشرب دمع عيني وتقتات اوجاع الغياب
محمد

[مجبورة]

بت استخيل اللامع *****واشكو قل الونيس
ونيت مالي سامع *****حالي مثل الحبيس
شدوا حبل المطامع *****والدهر زاده حيس

[محمدبن عبدالعزيز]

سنه مرت على سكب المدامع
سنه مرت لاحس ولاحسيس
ولا برق بالسما ساطع ولامع
والهم بين الاظلاع حبيس
ولاحد لصوت المواجع سامع
ولا للوحده انيس ولا جليس
محمد

[مجبورة]

سنة مرت وانا أتبعها وعود الصادق الكذاب
وانا اخاف اندفن وسط الظنون وشوقي ترابي
أنا أخبره وفي لوغاب يرجع يشرح الاسباب
ولكن ليه هالمره غيابه حاسب حسابي
إذا كان الزعل صفحه فعمري كل ابوه كتاب
يجي ويجدد الصفحه واشقق باقي كتابي
تعبت اتصنع الضحكه واجامل ضحكة الشذاب
وصبري مابقابه غيرخيط ماسك اعصابي !

[محمدبن عبدالعزيز]

يغيب ويرجع ويعاتبني على غيابي
واسامحه من غير ما اسآله لغاب
مر عام وهو على بالي ولاهو على بابي
لو سالته وينك ابد مافرحني بجواب
اكتب له قصايد واشكي له من عذابي
وهو يكتب بس من دون ذكر الاسباب
محمد

[مجبورة]

بربك لابغيت ارحل بعيد هناك قربني

ترى لو مرت وجيهٍ كثيرة ما يكفونك

[محمدبن عبدالعزيز]

كانك بترحل وتبعد وقصدك تعاتبني
ترى كثر العتب ما يشفي ظنونك

[مجبورة]

كم شخص حال الوقت بيني وبينه
لامت من فرقاه.. ولاهو بعد مات..

[محمدبن عبدالعزيز]

تموت الاحلام والاماني تصبح دفينه
وتموت الهقاوي وصاحب الهقوات مامات

[مجبورة]

تموت بـ داخلي خيبة مشاريهي على الأحباب
ولا شافوا سوى الوجه السموح وبسمة محيـا !

[محمدبن عبدالعزيز]

امسيت وبداخلي خيبت رجاوي اصحاب
ماكنت على علم باللي في صدورهم خبيا
محمد

[مجبورة]

أنا بي جرح، مدري مين ابوه؟ وليه ما سمّاه؟!

أنا لي وجه، خلاّه الجفاف السرمديّ اشهب

عليه اعتب، اذا شفت الوجيه من الوجيه اشباه

أعرفه يستحي مثلي، ومن (مثله) عليه اعتب؟!

[محمدبن عبدالعزيز]

بي مثل مابك والجروح جروح واشباه
وكل جرح لاطول علاجه يلتهب
كم جرح لبسته ثوب ولا اخفاه
اداويه وصبر على نزفه واحتسب
محمد

[مجبورة]

بي مثل ما بك من شوق ومن كمدِ
لكن أغطّي الهوى بالصبر والجلدِ
أصون نفسي عن لعب الوشاة بها
وإن تلاعبتِ الأسقام في جسدي
إني تعاطيتُ صبراً تحته حرجٌ
فصرتُ في حال مجهودٍ ومجتهدِ

[محمدبن عبدالعزيز]

دع الاشواق وداوها بالصبر وبالجلد
مااعقب الهوى في الصدور الا الكمد
كل ماهبت الاشواق وثارت هوجسها
ثارت هموم النفس وانهارالسداوالسند
محمد

[مجبورة]

دع النفس لا تجاريها ،
خاب من لبى مساعيها، ،
تزيد طمعا فتزداد عنثا ،
تعب و كل من يراضيها،

[محمدبن عبدالعزيز]

النفس وان جاريتها في مساعيها
طغت... والطغيان مهلك من يجاريها
طماعة هي لاتعرف حدود لها
روضها قبل ان تروضك امانيها

[مجبورة]

اقول في نفسي ورجلي على جرف
إما عمار القلب والا دماره
لا طاب لك جرح ولا منقطع نزف
والوقت مر وحان رفع الستاره

[محمدبن عبدالعزيز]

هذي حروفي صفيتها حرف ورا حرف
وزينتها بالمشاعر وجملتها بزين العباره
ونشرتها الف مره والف ...والف
والف قروها والف صفقوالي بحراره
محمد

[مجبورة]

هذي حروفي عطرها ينعش الروح = وادري تحبين الشعر والقصايد

وادري بعد أنك من البعد مجروح = مثل السجين وكبلته الحدايد

كلي جمر والأه من صدري تفوح = وانتي ماهمك غير لبس القلايد

[محمدبن عبدالعزيز]

دام الحروف معطره والقصايد تفوح
حرام اكتبها على الورق والجرايد
اكتبها على ورق الورد واعطر البوح
واخالف هل العرف واهل العوايد
وارسالها مع النسمه قبل الصباح يلوح
للي لها بين الحناياي فرش ووسايد
محمد

[مجبورة]

دَعِ التّوَانيَ في أمْرٍ تَهُمّ بِهِ
فإنّ صرفَ الليالي سابقٌ عجلُ
ضَيّعتَ عمركَ فاحزَنْ إن فطِنتَ له
فالعُمرُ لا عِوَضٌ عنه وَلا بَدَلُ
سابقْ زمانكَ خوفاً منْ تقلبهِ
فكَمْ تَقَلّبَتِ الأيّامُ وَالدّوَلُ

[محمدبن عبدالعزيز]

لاتدع الثواني تمضي على عجل
وكن منها في مضيها على وجل
فما العمر الا ثواني تغافلنا شواردها
فنصحو بعدها ليداهمنا الاجل
فاغنم منها قبل الرحيل براحلة
فلست بالاول ولا باخر من رحل
محمد

[مجبورة]

لا يـغـرك كـان فالوجه ابـتـسـامـه"
والله إن العلـوم الخافيه ما تسرك"

[محمدبن عبدالعزيز]

كل ما ابتسم لي قلت يالله السلامه
واقول انتبه يامحمد واصحى... بسمته لا تغرك
محمد

[مجبورة]

كلّ ما حسّيت .. بـالضيقة : تبسّم
لا تبيّن في : ملامحك .. التساؤل !
ٰ.
دام هذا الرزق .. من ربّك مقسّم :
أبتسم ، فـ الصبح موعد لـ التفاؤل

[محمدبن عبدالعزيز]

لو البسمه تفيد المهموم لمن تبسم
ماكا ضاقت بالهموم صدور الاوائل
كل ماضاق صدري ولاقدرت اتنسم
ارفع كفوفي واشكي لعظيم الجلائل
محمد

[مجبورة]

لكن .. الله كريم وكل همٍ يزول
ما على الله بعيد .. ولا جفاك المحل
كل أرضٍ تشيلك .. يا ثقيل الحمول
وكل وقتٍ كريمٍ بالرضا والزعل



.

[محمدبن عبدالعزيز]

لعل مابه هم يكدر صفو البتول
ولعل مابه من خلاف او زعل
ان صابها هم كتوفي لها حمول
وان صابها ضيق بصدري محل
محمد

[مجبورة]

لا أسقط متفرّقاً..
أسقط بثقلي كُلِّه..